როგორია საქართველოს და ჩინეთის სავაჭრო ურთიერთობები 2024 წლის ჭრილში

საქართველოდან ჩინეთში ექსპორტი 2%-იან კლებას, ხოლო იმპორტი 21%-იან ზრდას აჩვენებს. საქსტატის ინფორმაციით, 2024 წლის განმავლობაში საქართველომ ჩინეთში 303,133.87 ათასი დოლარის პროდუქცია გაგზავნა, ხოლო 2023 წელს 310,888.42 ათასი დოლარის. კლებამ 2,4%-ი შეადგინა. საქართველოდან ჩინეთში ნომერ პირველი საექსპორტო პროდუქტი მადნები და კონცენტრატები, რომელზეც ამ ქვეყანაში ექსპორტის 60%-ი მოდის.

TOP 5 პროდუქტი, რასაც საქართველო ჩინეთში ყიდის: 

• მადნები და კონცენტრატები ძვირფასი ლითონებისა - 180,858.43 ათასი დოლარი,
• მადნები და კონცენტრატები სპილენძის - 39,069.06 ათასი დოლარი,
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 28,508.04 ათასი დოლარი,
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 22,991.71 ათასი დოლარი,
• ყურძნის ნატურალური ღვინოები - 9,242.77 ათასი დოლარი,

რაც შეეხება ჩინეთიდან იმპორტს, აქ ზრდა 21,2%-ის დონეზეა. 2024 წელს საქართველომ ჩინეთიდან 1,612,282.83 ათასი დოლარის პროდუქცია იყიდა, 2023 წლის განმავლობაში კი 1,329,455.97 ათასი დოლარის. 2024 წლის მაჩვენებლებით ჩინეთიდან საქართველოში ნომერ პირველი საიმპორტო პროდუქტი სატვირთო ავტომობილებია.

TOP 5 პროდუქტი, რასაც საქართველო ჩინეთიდან ყიდულობს: 

• სატვირთო ავტომობილები - 58,643.70 ათასი დოლარი,
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 51,993.35 ათასი დოლარი,
• რეზინის პნევმატური სალტეები და საბურავები, ახალი - 51,453.41 ათასი დოლარი,
• მოწყობილობები ჰაერის კონდიცირებისათვის - 44,114.33 ათასი დოლარი,
• მსუბუქი ავტომობილები - 39,557.73 ათასი დოლარი.