რას ვყიდით და ვყიდულობთ ბრაზილიაში

ბრაზილიიდან იმპორტი 33%-იან კლებას აჩვენებს. 2023 წლის იანვარ-მაისის მონაცემებით, ბრაზილიიდან საქართველოში 50,209.85 ათასი დოლარის ღირებულების პროდუქცია შემოვიდა, გასული წლის ანალოგიურ პერიოდში კი 75,231.05 ათასი დოლარის.

2022 წელს ბრაზილიიდან იმპორტი, 2021 წელთან შედარებით 12%-ითაა გაზრდილი. 2022 წელს ბრაზილიიდან 155,923.60​ ათასი დოლარის ღირებულების პროდუქცია შემოვიდა, ხოლო 2021 წელს კი 138,712.25​ ათასი დოლარის. 
​ბრაზილიიდან იმპორტმა ბოლო 14 წლის მაქსიმუმს 2020 წელს მიაღწია, როდესაც ქვეყანაში 162,770.11 ათასი დოლარის პროდუქცია შემოვიდა. 

ღირებულებით ნაწილში ბრაზილიიდან იმპორტის ნომერ პირველი პროდუქტი - ღორის ხორცია.

რას ყიდულობს საქართველო ბრაზილიიდან TOP-5 პროდუქტი (2023 წლის 5 თვის მაჩვენებლებით)

• ხორცი ღორის ახალი, გაცივებული ან გაყინული - 21,159.54 ათასი დოლარი;
• შაქარი - 13,050.75  ათასი დოლარი;
• ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 9,119.97  ათასი დოლარი;
• ხორცი მსხვილფეხა რქოსანი პირუტყვის, გაყინული - 2,696.15 ათასი დოლარი;
• თამბაქოს ნედლეული; თამბაქოს ნარჩენები - 922.51 ათასი დოლარი;

მიმდინარე მაჩვენებლებით ბრაზილიაში ექსპორტიც კლებას აჩვენებს.

2023 წლის იანვარ-მასიში საქართველომ ბრაზილიაში ექსპორტზე 69.27 ათასი დოლარის პროდუქცია შეიტანა, მაშინ როდესაც 2022 წლის ანალოგიურ პერიოდში ბრაზილიაში 195.39 ათასი დოლარის პროდუქცია გადაიზიდა. შესაბამისად კლება 65%-ია.

საქართველოდან ბრაზილიაში ექსპორტი ყველაზე მაღალ ნიშნულზე 2015 წელს იყო. საანგარიშო წელს საქართველომ ბრაზილიაში 19,929.22 ათასი დოლარის პროდუქცია გაყიდა. 

რაც შეეხება ბოლო წლების სტატისტიკას, 2022 წელს ბრაზილიაში 92%-ით ნაკლები ღირებულების პროდუქცია გადაიზიდა ვიდრე 2021 წელს. 

რას ყიდის საქართველო ბრაზილიაში TOP-5 პროდუქტი (2023 წლის 5 თვის მაჩვენებლებით)

• ტრაქტორების, მსუბუქი, სატვირთო და სპეციალური დანიშნულების ავტომობილების ნაწილები და მოწყობილობები - 24.45 ათასი დოლარი;
•  ნივთიერებები შემკვრელი მზა, სამსხმელო ფორმების წარმოებაში გამოსაყენებელი - 18.73 ათასი დოლარი;
• სამაგრი არმატურა, ფურნიტურა და ანალოგიური ნაწარმი არაძვირფასი ლითონებისაგან - 6.87 ათასი დოლარი;
• პლასტმასის დანარჩენი ნაწარმი - 5.00 ათასი დოლარი; 
• ნაწარმი საქონლის ტრანსპორტირებისათვის ან მის შესაფუთად პლასტმასებისაგან - 4.92 ათასი დოლარი;