რამდენ პროცენტში გასცემენ მიკროსაფინანსო ორგანიზაციები ფიზიკურ პირებზე სესხებს

2023 წლის პირველი კვარტლის მდგომარეობით მიკროსაფინანსო ორგანიზაციების მიერ გაცემული სესხების მოცულობამ  1 580 623 694 ლარი, შეადგინა, რომლის 98%-ით ფიზიკურ პირებზეა გაცემული. სებ-ის ვებგვერდზე განთავსებული სტატისტიკური ინფორმაციის მიხედვით, პირველი კვარტლის მდგომარეობით ფიზიკურ პირებზე გაცემულია 1 553 392 939 ლარის სესხი. 

ფიზიკურ პირებზე გაცემული სესხის უმეტესობა, 45%-ი წლიური 15%-დან 20%-მდე საპროცენტო განაკვეთითაა გაცემული. მეორე ადგილზე კი წლიური 20%-დან 25%-მდე განაკვეთით გაცემული სესხებია, რომელზეც მიკროსაფინანსო ორგანიზაციების მიერ ფიზიკურ პირებზე გაცემული სესხების 19%-ი მოდის. მესამე ადგილზეა წლიური 35%-დან 40%-მდე სესხები, რომლებიც ფიზიკურ პირებზე გაცემული სესხების სტატისტიკაში 10%-ს იკავებს.

მიკროსაფინანსო ორგანიზაციების მიერ ფიზიკურ პირებზე გაცემული სესხების საპროცენტო განაკვეთები- 2023 წლის I კვარტლის სტატისტიკა

• წლიური 10%-მდე - 24 129 082 ლარი;
• წლიური 10%-დან 15%-მდე - 14 486 365 ლარი;
• წლიური 15%-დან 20%-მდე - 697 778 472 ლარი;
• წლიური 20%-დან 25%-მდე - 292 236 935 ლარი;
• წლიური 25%-დან 30%-მდე - 132 202 171 ლარი;
• წლიური 30%-დან 35%-მდე -115 530 760 ლარი;
• წლიური 35%-დან 40%-მდე - 154 795 983 ლარი;
• წლიური 40%-ზე მეტი - 122 233 171 ლარი;