რამდენ პირზე დაიწყო დევნა ივლისში, ფულის, საკრედიტო ბარათების გაყალბებისა და სამეწარმეო სექტორში მომხდარი დანაშაულის გამო

შინაგან საქმეთქ სამინისტრომ ივლისში ფულად-საკრედიტო  სისტემასა და სამეწარმეო სექტორში მომხდარი დანაშაულის სტატისტიკა გამოაქვეყნა. 

შსს-ს მონაცემებით, ივლისში სამართლებრივი დევნა ყველაზე მეტი პირის მიმართ სამეწარმეო ან სხვა ეკონომიკური საქმიანობის წინააღმდეგ მიმართულ დანაშაულებზე დაიწყო.  კერძოდ, 27 პირზე სამართლებრივი დევნა პროდუქციის აქციზური მარკის გარეშე გამოშვება, შენახვა, რეალიზაციისა ან გადაზიდვის ფაქტებზე დაიწყო. მეორე ადგილზეა უკანონო სამეწარმეო საქმიანობა, ხოლო მესამეა - საქართველოს საბაჟო საზღვარზე საქონლის გადაადგილებასთან დაკავშირებული წესის დარღვევა. 

დევნის დაწყების მაჩვენებელი სამეწარმეო ან სხვა ეკონომიკური საქმიანობის წინააღმდეგ მიმართულ დანაშაულებზე (2023 წლის ივლისი)

• მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია ან გადაზიდვა (სსკ მუხლი 200) - 27;
• უკანონო სამეწარმეო საქმიანობა (სსკ მუხლი 192) - 22;
• უკანონო შემოსავლის ლეგალიზაცია (ფულის გათეთრება) (სსკ მუხლი 194) - 9;
• სასაქონლო (მომსახურების) ნიშნის ან სხვა კომერციული აღნიშვნის მართლსაწინააღმდეგო გამოყენება (სსკ მუხლი 196) - 3;
• ქონების გადამალვა მოჩვენებითი ან/და თვალთმაქცური გარიგებით (სსკ მუხლი 205¹) - 2; 
• ყალბი აქციზური მარკების დამზადება, გასაღება ან/და გამოყენება (სსკ მუხლი 200¹) - 1;
• ფალსიფიცირებული ნივთის უკანონო გადაზიდვა ან გასაღება (სსკ მუხლი 197¹) -1;
• ფალსიფიკაცია (სსკ მუხლი 197) - 1. 

დევნის დაწყების მაჩვენებელი დანაშაულებზე ფულად-საკრედიტო სისტემაში (2023 წლის ივლისი)

• ყალბი საკრედიტო ან საანგარიშსწორებო ბარათის დამზადება, გასაღება ან გამოყენება ( სსკ მუხლი 210) - 21; 
• ყალბი ფულის ან ფასიანი ქაღალდის დამზადება ან გასაღება (სსკ მუხლი 212) - 5;
• კრედიტის უკანონოდ მიღება (სსკ მუხლი 208) - 5.

დევნის დაწყების მაჩვენებელი დანაშაულებზე საფინანსო საქმიანობის სფეროში (2023 წლის ივლისი)

• საქართველოს საბაჟო საზღვარზე საქონლის გადაადგილებასთან დაკავშირებული წესის დარღვევა (სსკ მუხლი 214 - 17;
• გადასახადისათვის თავის არიდება (სსკ მუხლი 218) - 14.

დანაშაული სამეწარმეო ან სხვა ორგანიზაციაში სამსახურის ინტერესების წინააღმდეგ (სსკ მუხლები 220-221): დევნა დაიწყო 5 პირის მიმართ სსკ-ის 220¹ მუხლით გათვალისწინებულ დანაშაულზე (გულგრილობა).