ქვეყანაში ავოკადოს იმპორტი კვლავ იზრდება

იანვარში ქვეყანაში ავოკადოს იმპორტი გაიზარდა. როგორც საქსტატის მაჩვენებლებიდან ირკვევა, 2025 წლის იანვარში საქართველომ 348.96 ათასი დოლარის ღირებულების 166.81 ტონა ავოკადო იყიდა, 2024 წლის იანვარში კი 162.09 ტონა. შესაბამისად ზრდა 3%-ის დონეზეა.

2025 წლის იანვარში საქართველოში ავოკადოს იმპორტი სულ 2 ბაზრიდან განხორციელდა. თურქეთი ამ პროდუქტის ნომერ პირველი იმპორტიორია და სწორედ მასზე მოდის მთელი იმპორტის 74%-ი.

ქვეყნები, საიდანაც საქართველო ავოკადოს იმპორტს ახდენს:

თურქეთი - 122.88 ტონა - 213.90 ათასი დოლარი;

ნიდერლანდები - 43.93 ტონა - 135.07 ათასი დოლარი;

აღსანიშნავია, რომ 2024 წელს საქართველოში ავოკადოს იმპორტმა რეკორდული მაჩვენებელი დააფიქსირა. წლის განმავლობაში ქვეყანამ 4,451.98 ათასი დოლარის ღირებულების 1,894.91 ტონა ავოკადო შეიძინა, რაც 2023 წლის მაჩვენებლებთან შედარებით 11,4%-იანი ზრდაა. 2023 წელს საქართველოში ავოკადოს იმპორტმა 1700.84 ტონა შეადგინა. საქართველოსთვის ავოკადოს ნომერ პირველი იმპორტიორი ქვეყანა კი თურქეთია, რომელზედაც ამ ხილის იმპორტის 55%-ი მოდის. 

საგულისხმოა, რომ საქართველოში ავოკადოს იმპორტის მნიშვნელოვანი ზრდა 2023 წლიდან ფიქსირდება, რაც ნიშნავს, რომ წინა წლებთან შედარებით აღნიშნულ ხილზე მოთხოვნა გაზრდილია.