კომერციულ ბანკებში მომხმარებელთა მიერ დაფიქსირებული პრეტენზიების რაოდენობა შემცირდა

ნოემბერში კომერციულ ბანკებში დაფიქსირებული პრეტენზიების რაოდენობამ 2 054 ერთეული პრეტენზია შეადგინა, რაც ოქტომბრის მაჩვენებლებთან 29%-იანი კლებაა, ხოლო 2023 წლის ნოემბრის მაჩვენებლებთან 1%-იან კლებას გულისხმობს. სებ-ის ინფორმაციით, 2024 წლის ოქტომბერში კომერციულ ბანკებში მომხმარებელთა მხრიდან  2 908 პრეტენზია დაფიქსირდა, ხოლო 2023 წლის ნოემბერში 2 072 პრეტენზია.

ნოემბერში დაფიქსირებული პრეტენზიებიდან ყველაზე მეტი, საუბარია 62%-ზე მიმდინარე ანგარიშთან/სადებეტო ბარათთან დაკავშირებული პრეტენზიები იყო. მხოლოდ ნოემბერში სამომხმარებლო სესხთან დაკავშირებით კომერციულ ბანკები 260 პრეტენზია დაფიქსირდა.

რაც შეეხება პრეტენზიის ხასიათის მიხედვით სტატისტიკას, ის ასე გამოიყურება:

• ტრანზაქციები - 1144 პრეტენზია,
• ადმინისტრაცია/მომსახურება - 406 პრეტენზია,
• ხელშეკრულების პირობებთან დაკავშირებული პრეტენზიები - 203 პრეტენზია,
• ჯარიმები და ვადაგადაცილების საკომისიოები - 60 პრეტენზია,
• მომსახურების საკომისიოები - 59 პრეტენზია,
• თანამშრომლის მიერ არასწორად მიწოდებული ინფორმაცია - 37 პრეტენზია,
• მომხმარებლის შესახებ კონფიდენციალური ინფორმაციის გაცემა - 25 პრეტენზია,
• ეთიკასთან დაკავშირებული - 25 პრეტენზია,
• საპროცენტო შენატანები - 18 პრეტენზია,
• რეკლამა, გაყიდვები, რჩევები - 9 პრეტენზია,
• სხვა გადასახდელები - 7 პრეტენზია,
• კრედიტის წინსწრებით დაფარვის საკომისიო - 4 პრეტენზია,
• პრეტენზიები დაკავშირებული საკრედიტო ხელშეკრულების მხარის მიერ მესამე პირებთან დაკავშირებით - 0 პრეტენზია,
• სხვა  - 58 პრეტენზია.

პრეტენზიის დამუშავების სტადიის მიხედვით:

• განხილვა დასრულებულია, კომერციულმა ბანკებმა პრეტენზია უსაფუძვლოდ მიიჩნიეს - 1 003
• კომერციული ბანკების მიერ პრეტენზიის განხილვა არ დასრულებულა -  648
• განხილვა დასრულებულია, კომერციულმა ბანკებმა პრეტენზია საფუძვლიანად მიიჩნიეს -   398
• განხილვა დასრულებულია, პრეტენზია მიჩნეულია საფუძვლიანად, თუმცა პრობლემა არ არის აღმოფხვრილი - 5.