TOP-5 ქვეყანა, სადაც საქართველო იახტებს ყიდულობს

იახტების იმპორტი 13%-იან კლებას აჩვენებს. როგორც საქსტატის საიტზე განთავსებული ინფორმაციიდან ირკვევა, 2024 წლის იანვარ-ივლისში ქვეყანაში 3,107.57 ათასი დოლარის ღირებულების იახტები და დასვენებისათვის ან სპორტისათვის განკუთვნილი სხვა მოცურავე საშუალებები შემოვიდა. 2023 წლის ანალოგიურ პერიოდში კი ეს მაჩვენებელი 3,584.42 ათას დოლარს შეადგენდა. შესაბამისად ღირებულებით ნაწილში კლება 13%-ია.

7 თვის მაჩვენებლებს თუ გავააანალზიებთ ქვეყანაში ყველაზე მეტი, ანუ ყველაზე დიდი საერთო ღირებულებით იახტების იმპორტი 2022 წელს დაფიქსირდა. 2022 წლის იანვარ-ივლისში  იახტებისა და დასვენებისათვის ან სპორტისათვის განკუთვნილი სხვა მოცურავე საშუალებების იმპორტმა 4,125.28 ათასი დოლარი შეადგინა.

მიმდინარე მაჩვენებლებით კი იახტების იმპორტის კუთხით ლიდერი აშშ-ია.

TOP-5 ქვეყანა, სადაც საქართველო იახტებს ყიდულობს:

• აშშ - 983.46 ათასი დოლარი
• მექსიკა - 586.78 ათასი დოლარი
• ლიეტუვა - 468.35 ათასი დოლარი
• ბელგია - 329.18 ათასი დოლარი
• რუმინეთი - 167.88 ათასი დოლარი.