ვიცი, რომ ორივე მატჩის მოგების შემთხვევაში პირველი ადგილი ჩვენი იქნება, მაგრამ მთავარი ეს არ არის, მთავარია კარგად ვითამაშოთ - ვილი სანიოლი

ვიცი, რომ ორივე მატჩის მოგების შემთხვევაში პირველი ადგილი ჩვენი იქნება, მაგრამ მთავარი ეს არ არის, მთავარია კარგად ვითამაშოთ, - განაცხადა საქართველოს ნაკრების მთავარმა მწვრთნელმა ვილი სანიოლმა.

„ოქტომბერში სათანადო აგრესიულობა არ გამოგვიჩენია და უკრაინელებთან საშინაო შეხვედრაში ამის გამოსწორება მოგვიწევს. დვალის და გოგლიჩიძის არ ყოფნა უდიდესი დანაკლისია. ვინ მოხვდება მათ მაგივრად ძირითადში ამაზე ჯერჯერობით ვერ ვისაუბრებ“, - აღნიშნა მთავარმა მწვრთნელმა.

ხვალ საქართველოს ფეხბურთელთა ნაკრები უეფას ერთა ლიგის ჯგუფური ეტაპის მეხუთე ტურის შეხვედრას გამართავს. ბათუმში, „აჭარაბეთ არენაზე“ ვილი სანიოლის მომზადებული გუნდი უკრაინელებს უმასპინძლებს.