ტექნიკური ხარვეზის გამო, შემოსავლების სამსახურის ვებგვერდით სარგებლობა დროებით შეზღუდულია

ფინანსთა სამინისტროს შემოსავლების სამსახური გაცნობებთ, რომ შიდა ქსელის სისტემური დაზიანების გამო, მთელი ქვეყნის მასშტაბით, დროებით შეჩერებულია გარკვეული სახის ელექტრონული სერვისებით სარგებლობის შესაძლებლობა. მიმდინარეობს ტექნიკური სამუშაოები, რათა დროულად მოხდეს მომსახურების სრული აღდგენა. ინფორმაციას შემოსავლების სამსახურის პრესსამსახური ავრცელებს.

აქვე გაცნობებთ, რომ სასურველი ინფორმაციის მისაღებად, 09:00 საათიდან - 18:00 საათამდე, შეგიძლიათ დაუკავშირდეთ საინფორმაციო საკონსულტაციო ცენტრს - 2 299 299 ან ისარგებლოთ RS ჩათის/ RS ბოტის მეშვეობით ან მოგვწეროთ ელექტრონული ფოსტის მისამართზე info@rs.ge.

შემოსავლების სამსახური ბოდიშს გიხდით შექმნილი შეფერხებისთვის.