საქართველოდან ესტონეთში ექსპორტი 62%-იან ზრდას აჩვენებს - რას ვყიდით და რას ვყიდულობთ

ესტონეთში ექსპორტი 62%-იან ზრდას აჩვენებს. საქსტატის ინფორმაციით, 2023 წლის იანვარ-ოქტომბერში საქართველომ ესტონეთში 6,189.49 ათასი დოლარის პროდუქცია შეიტანა, 2022 წლის ანალოგიურ პერიოდში კი 3,818.35 ათასი დოლარის.

საგულისხმოა, რომ ესტონეთში ექსპორტი ისტორიულ მაქსიმუმზე 2018 წელს დაფიქსირდა, როდესაც ქვეყანამ ესტონეთში 6,596.65 ათასი დოლარის პროდუქცია გაყიდა.

რაც შეეხება მიმდინარე მაჩვენებლებს, საქართველოდან ესტონეთში ნომერ პირველი საექსპორტო პროდუქცია ნატურალური ღვინოებია, რომელზეც ესტონეთში ექსპორტის 21%-ი მოდის.

TOP-5 პროდუქტი, რომელიც საქართველოდან ესტონეთის ბაზარზე შედის: 

• ყურძნის ნატურალური ღვინოები - 1,322.67 ათასი დოლარი,
• ეზინის პნევმატური სალტეები და საბურავები - 1,129.69 ათასი დოლარი,
•  ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 972.94 ათასი დოლარი,
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 721.98 ათასი დოლარი,
•  სამარჯვები ორთოპედიული; სხეულის ხელოვნური ნაწილები - 298.37 ათასი დოლარი.

რაც შეეხება იმპორტს, 10%-იანი ზრდაა. 2023 წლის იანვარ-ოქტომვერში ესტონეთიდან საქართველოში 

8,802.46 ათასი დოლარის პროდუქციის იმპორტი განხორციელდა, ხოლო 2022 წლის ანალოგიურ პერიოდში კი 8,004.91 ათასი დოლარის. 

ექსტონეთიდან იმპორტმა მაქსიმუმს 2022 წელს მიაღწია, როდესაც საქართველოში ესტონეთიდან 10,970.07 ათასი დოლარის ღირებულების პროდუქცია შემოვიდა.  ესტონეთიდან ნომერ პირველი საიმპორტო პროდუქტი მსხვილფეხა რქოსანი პირუტყვია, რომლის წილიც მიმდინარე ექსპორტში 17%-ოა.

TOP-5 პროდუქტი, რასაც საქართველო ესტონეთიდან ყიდულობს:

• მსხვილფეხა რქოსანი პირუტყვი, ცოცხალი - 1,518.46 ათასი დოლარი,
• ყუთები, კოლოფები, გოდრები და ანალოგიური ტარა მერქნისაგან - 713.05 ათასი დოლარი,
• სათამაშოები სხვა; მოდელები შემცირებული ზომის და ანალოგიური მოდელები; თავსატეხები - 492.07
•  მსუბუქი ავტომობილები - 412.04 ათასი დოლარი,
•  აპარატურა მიმღები სატელევიზიო კავშირისათვის - 309.58 ათასი დოლარი.