რა სავაჭრო ურთიერთობები აქვს საქართველოს და ევროკავშირს

ევროკავშირიდან იმპორტი 17%-ითაა გაზრდილი, ხოლო ექსპორტი 25%-იან კლებას აჩვენებს. საქსტატის ინფორმაციით, 2024 წლის იანვარ-ოქტომბერში საქართველომ ევროკავშირიდან 3,616,000.43 ათასი დოლარის პროდუქცია იყიდა, 2023 წლის 10 თვეში კი 3,098,043.20 ათასი დოლარის. ზრდა 16,7%-ია.

ევროკავშირიდან იმპორტის 17%-ი მსუბუქ ავტომობილებზე მოდის. 10 თვეში საქართველომ ევროკავშირიდან 628,549.09  ათასი დოლარის მსუბუქი ავტომობილები ყიდა.

TOP 5 პროდუქტი, რასაც საქართველო ევროკავშირიდან ყიდულობს:

• მსუბუქი ავტომობილები - 628,549.09 ათასი დოლარი,
• ნავთობი და ნავთობპროდუქტები - 360,383.59 ათასი დოლარი,
• სამკურნალო საშუალებები დაფასოებული - 244,999.67 ათასი დოლარი,
• სატვირთო ავტომობილები - 87,501.76 ათასი დოლარი,
• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 68,337.27 ათასი დოლარი.

რაც შეეხება ევროკავშირში ექსპორტს, კლება 25,3-ზეა. 2024 წლის იანვარ-ოქტომბერში საქართველომ ევროკავშირში 456,714.55 ათასი დოლარის პროდუქცია გაყიდა, გასული წლის ანალოგიურ პერიოდში კი 612,112.78 ათასი დოლარის.

საქართველოდან ევროკავშირში ნომერ პირველი საექსპორტო პროდუქტი თხილი და კაკალია.

TOP 5 პროდუქტი, რასაც საქართველო ევროკავშირში ყიდის:

• თხილი და სხვა კაკალი - 45,312.47 ათასი დოლარი,
• მადნები და კონცენტრატები სპილენძის - 42,479.66 ათასი დოლარი,
• მადნები და კონცენტრატები ძვირფასი ლითონებისა - 39,840.31 ათასი დოლარი,
• ნავთობი და ნავთობპროდუქტები - 30,544.47 ათასი დოლარი,
• ყურძნის ნატურალური ღვინოები - 26,797.89 ათასი დოლარი.