რა მოცულობის სახელმწიფო ფასიანი ქაღალდები გაიყიდება დღევანდელ აუქციონებზე

დღეს სახელმწიფო ფასიანი ქაღალდების მორიგი აუქციონები გაიმართება.

სახელმწიფო ხაზინის მონაცემებით, 12 დეკემბერს საქართველოს ფინანსთა სამინისტრო სახელმწიფო ფასიანი ქაღალდების აუქციონზე 20 000 000 ლარის ნომინალური ღირებულების 12 თვის ვადიანობის მქონე სახაზინო ვალდებულებებს და 20 000 000 ლარის ნომინალური ღირებულების, 11 წლის საწყისი ვადიანობის მქონე სახაზინო ობლიგაციებს განათავსებს.

შეგახსენებთ, რომ ფინანსთა სამინისტრომ 2023 წლის 5 დეკემბერს 2- წლიანი 40 მლნ ლარის (14.8 მლნ აშშ დოლარის) ოდენობის ბენჩმარკ ბონდები გაყიდა. ამასთან, მოთხოვნა 2.4-ჯერ მაღალი იყო და საშუალო შეწონილი საპროცენტო განაკვეთი წინა აუქციონთან შედარებით არ შეცვლილა და 8.389% შეადგინა.

ასევე, ფინანსთა სამინისტრომ 2023 წლის 5 დეკემბერს 6-თვიანი 20 მლნ ლარის (7.4 მლნ აშშ დოლარის) ოდენობის სახაზინო ვალდებულებები გაყიდა.

ამასთან, მოთხოვნა 3.0-ჯერ მაღალი იყო და საშუალო შეწონილი საპროცენტო განაკვეთი წინა აუქციონთან შედარებით 0.206პპ-ით შემცირდა და 9.068% შეადგინა.