რა გაძვირდა და რა გაიაფდა - იანვრის სტატისტიკა 

წლიურ ჭრილში ყველაზე მეტად მწვანილის ფასმა მოიმატა, ხოლო ყველაზე მეტად ყურძენი გაიაფდა. 

როგორც საქსტატის მონაცემებიდან ირკვევა, 2025 წლის იანვარში 2024 წლის იანვართან შედარებით მწვანილი 88,33%-ით გაძვირდა, ხოლო ყურძენი 16,33%-ით გაიაფდა.

გთავაზობთ 5 საკვები პროდუქტის ჩამონათვალს, რომლებიც წლიურ ჭრილში ყველაზე მეტად გაძვირდა

• მწვანილი - 88,33%,
• ბადრიჯანი - 74,85%,
• კომბოსტო - 62,82%,
• ნიორი - 35,51%,
• კივი - 35,34%,

5 საკვები პროდუქტი, რომლებიც წლიურ ჭრილში ყველაზე მეტად გაიაფდა:

• ყურძენი - გაიაფდა 16,33%
• საზამთრო -  გაიაფდა 15,98%-ით,  
• კარტოფილი  - გაიაფდა 14,51%-ით,  
• მსხალი - გაიაფდა 13,64%-ით, 
• ატამი - გაიაფდა12.09%-ით.

2025 წლის იანვარში წინა თვესთან შედარებით ინფლაციის დონემ საქართველოში 0.4 პროცენტი, ხოლო წლიური ინფლაციის დონემ 2.0 პროცენტი შეადგინა. რაც შეეხება საბაზო ინფლაციას , აღნიშნულმა მაჩვენებელმა 2025 წლის იანვარში, გასული წლის შესაბამის პერიოდთან შედარებით 2.1 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი 2.0 პროცენტით განისაზღვრა.