ამერიკელმა მილიარდერმა, Meta-ს ხელმძღვანელმა მარკ ცუკერბერგმა ბოლო ორი წლის განმავლობაში კომპანიის აქციები პირველად გაყიდა. საუბარია დაახლოებით 185 მლნ დოლარის აქციებზე.
გავრცელებული ინფორმაციის თანახმად, ნოემბერში ცუკერბერგის მიერ კონტროლირებად საქველმოქმედო ორგანიზაციებმა ბაზარზე მისი დაახლოებით 682 ათასი აქცია გაყიდეს. გაყიდვა მოჰყვა მათი ღირებულების ზრდას, რომელმაც თვის ბოლოსთვის 172%-ს მიაღწია, რაც აღემატება აშშ-ს თითქმის ყველა მსხვილ ტექნოლოგიურ კომპანიას.
39 წლის მილიარდერი ამჟამად ფლობს Meta-ს დაახლოებით 13%-ს, რაც მისი 117,7 მილიარდი დოლარის ღირებულების ქონების უმეტესი ნაწილია. Bloomberg-ის რეიტინგის მიხედვით, ის მეცხრე უმდიდრესი ადამიანია.
