ეკონომიკური ზრდა განვითარებულ ქვეყნებში შენელებას განაგრძობს, ხოლო განვითარებად ქვეყნებში ზრდის ტემპი მეტწილად სტაბილურია. როგორც სებ-ის ფინანსური სტაბილურობის ანგარიშში წერია, წელიწადზე მეტი გავიდა რუსეთის უკრაინაში შეჭრისა და კოვიდის ახალი ვარიანტების ჩინეთში გავრცელებიდან, თუმცა მსოფლიოს ბევრ ქვეყანაში აღნიშნული შოკების ეფექტი არ ამოწურულა.
„ამასთან, გლობალურად გამკაცრებული ფინანსური პირობები დამატებით აფერხებს მსოფლიო ეკონომიკის გაჯანსაღებას.
შესაბამისად, საერთაშორისო სავალუტო ფონდის პროგნოზების მიხედვით, გლობალური ეკონომიკის ზრდის ტემპი 2023 წელს 3.5 პროცენტიდან 3 პროცენტამდე შემცირდება და 2024 წელს ამავე დონეზე შენარჩუნდება. აღნიშნული კლების ტენდენცია მეტწილად განვითარებულ ქვეყნებში ეკონომიკური ზრდის შენელებითაა გამოწვეული, რაც, თავის მხრივ, წარმოების სექტორის სუსტი აქტივობითაა განპირობებული. შედარებით სტაბილური ზრდის ტემპით ხასიათდება მზარდი და განვითარებადი ეკონომიკები. თუმცა სურათი მნიშვნელოვნად განსხვავებულია რეგიონების მიხედვით. აღნიშნულ კატეგორიაში
ქვეყნების დაახლოებით 60 პროცენტი 2023 წელს გასულ წელთან შედარებით უფრო მაღალი ტემპით იზრდება, ხოლო დანარჩენ ქვეყნებში ეკონომიკური ზრდა შენელებულია“, - აღნიშნულია დოკუმენტში.
უახლესი
1 საათის წინ
„ვილა მოსავლი“ ცქრიალა ღვინის წარმოებას იწყებს2 საათის წინ
Fed-მა რეფინანსირების განაკვეთი შეამცირა3 საათის წინ
მეღვინეობა „ჩელთი“ ჩეხეთის ბაზარზე შევიდა16 საათის წინ
თიბისი ბიზნესი განაგრძობს ბიზნეს განათლების სერიებს
