აზერბაიჯანის ცენტრალურმა ბანკმა რეფინანსირების განაკვეთი შეამცირა

აზერბაიჯანის ცენტრალურმა ბანკმა მონეტარული პოლიტიკის განაკვეთის 0,25 პროცენტული პუნქტით 7,75%–დან 7,5%–მდე შეამცირა. გადაწყვეტილება ბანკმა დღევანდელ სხდომაზე მიიღო.

ცენტრალური ბანკის ცნობით, საპროცენტო დერეფნის ზედა ზღვარი 0,25 პ.პ.–ით – 8,5%–მდე დასწია, ქვედა ზღვარი კი 6,25%–ის ნიშნულზე შეინარჩუნა.

გადაწყვეტილება ძალაში 29 მარტიდან შევა. ბანკისგან რეფინანსირების განაკვეთზე შემდეგ გადაწყვეტილებას 1–ელ მაისს ელოდებიან.

„ეს გადაწყვეტილება მიღებული იყო ფაქტობრივი და პროგნოზირებული ინფლაციის მიზნობრივ (4±2%) შედარების, ინფლაციური მოლოდინების სტაბილიზაციისა და რისკების ბალანსის ცვლილების გათვალისწინებით“, - ნათქვამია მარეგულირებლის განცხადებაში.