CodeMonkey არის ინოვაციური და მრავალი ჯილდოს მფლობელი პროგრამირების შემსწავლელი პლატფორმა, რომელიც ბევრი განვითარებული ქვეყნის სკოლაშია დანერგილი - ნიკოლოზ ხურცილავა

სკოლის მოსწავლეებისთვის განკუთვნილი CodeMonkey-ს პროგრამირების შემსწავლელი პლატფორმა მალე უფრო მეტად ხელმისაწვდომი გახდება. CodeMonkey Georgia-ს დამფუძნებელი ნიკოლოზ ხურცილავა Business Insider Georgia-სთან საუბრისას აცხადებს, ამ მიზნის მისაღწევად კი კომპანია განათლების სამინისტროსთან აპირებს მოლაპარაკებების დაწყებას, რათა თამაშზე დაფუძნებული პროგრამირების ენებისა და წიგნიერების შესწავლის შესაძლებლობა უფრო მეტი სკოლის მოსწავლეს მიეცეს, რაც გარდამტეხ როლს ითამაშებს საქართველოში სკოლების ციფრული ტრანსფორმაციის პროცესში და განათლების დონის ხარისხის გაუმჯობესებაში. 

როგორია დღეს საქართველოში CodeMonkey-ს პროგრამირების შემსწავლელი პლატფორმის მოცვა და რა გეგმებია სამომავლოდ, დეტალებზე Business Insider Georgia CodeMonkey Georgia-ს დამფუძნებელს  ნიკოლოზ ხურცილავას ესაუბრა.

- CodeMonkey საქართველოში ოპერირება თქვენი დახმარებით  2023 წლიდან დაიწყო. ამ მოკლე პერიოდში როგორი იყო ინტერესი და ხედავდით თუ არა მოთხოვნის ზრდას?

- მოგეხსენებათ, რომ CodeMonkey საერთაშორისო პლატფორმაა და 45 მილიონზე მეტი მოსწავლე იყენებს მას მსოფლიოს მასშტაბით. მას შემდეგ რაც ლოკალურ ბაზარზე დავიწყეთ ოპერირება, როგორც კი სკოლებს ინფორმაცია გავაცანით ჩვენი პლატფორმის შესახებ, მათი ინტერესი თავიდანვე მაღალი იყო, რადგან სკოლის მოსწავლეებისთვის ძალიან საინტერესო და სახალისოა თამაშზე დაფუძნებული სწავლების მეთოდებით ახალი უნარების განვითარება.

აღსანიშნავია ის, რომ პირველ წელს 30-ზე მეტ კერძო სკოლასთან დავპარტნიორდით, რომელთა მოსწავლეებისა და მასწავლებლებისგან პოზიტიურ უკუკავშირებს დღემდე ვიღებთ. ამ მომენტში ჩვენი პლატფორმის დანერგვისადმი მოთხოვნა დღითი-დღე იზრდება და ვფიქრობთ ეს მომავალში კიდევ უფრო გაიზრდება.

- რა გაკეთდა, ან რისი გაკეთება იგეგმება იმისთვის, რომ CodeMonkey და მისი საქმიანობა უფრო ცნობადი გახდეს?

- CodeMonkey Georgia-ს მარკეტინგისა და გაყიდვების გუნდი ინტესიურად მუშაობდა და დღემდე აგრძელებს მუშაობას ჩვენი პლატფორმის ცნობადობის ამაღლებაზე, ისინი ინტენსიურად ატარებდნენ სხვადასხვა ტრენინგებს სკოლის მოსწავლეებისა და მასწვლებლებისთვის, რათა მათ გაადვილებოდათ ჩვენი პლატფორმის გამოყენება და მისი მეშვეობით მაქსიმალური შედეგის მიღება. ასევე აღსანიშნავია ის, რომ 2024-2025 სასწავლო წლისთვის CodeMonkey-ის პალტფორმა უზბეკეთშიც დავნერგეთ და მას კერძო და საჯარო სკოლებში იყენებენ. ასევე, ამ მომენტში მუშაობის პროცესში ვართ, რომ CodeMonkey-ის პლატფორმა ყაზახეთშის ბაზრისთვისაც იყოს ხელმისაწვდომი და კიდევ უფრო მეტმა მოსწავლემ შეძლოს მისი გამოყენება.

რაც შეეხება მომავლის გეგმებს, ჩვენი მიზანია უახლოეს პერიოდში CodeMonkey-ის პალტფორმის გამოყენების და მისი მეშვეობით თამაშზე დაფუძნებული პროგრამირების ენებისა და წიგნიერების შესწავლის შესაძლებლობა ჰქონდეს არა მხოლოდ კერძო, არამედ ყველა საჯარო სკოლის მოსწავლეს საქართველოში. ამისათვის ვაპირებთ ინტენსიური მოლაპარაკების წარმოება დავიწყოთ განათლების სამინისტროსთან, ეს კი გარდამტეხ როლს ითამაშებს საქართველოში სკოლების ციფრული ტრანსფორმაციის პროცესში და განათლების დონის ხარისხის გაუმჯობესებაში.

- რატომ უნდა შეურჩიოს მშობელმა ბავშვს, ან თავად ბავშვმა რატომ უნდა აირჩიოს CodeMonkey-ის პროგრამა?

- CodeMonkey-ის პლატფორმა არის ინოვაციური და მრავალი ჯილდოს მფლობელი პლატფორმა რომელიც აპრობირებულია და გამოიყენება ისეთ ქვეყნებში როგორიცაა, ამერიკის შეერთებული შტატები, იაპონია, ავსტრია, შვედეთი და ა.შ. ის არის ერთ-ერთი საუკეთესო საშუალება მოსწავლეების პროგრამირების უნარების განვითარებისთვის. ის უზრუნველყოფს ინტერაქტიულ სწავლების მეთოდებს, რაც ბავშვებს აძლევს შესაძლებლობას, მარტივად გაიგონ კოდის წერის ძირითადი პრინციპები თამაშზე დაფუძნებული სწავლების მეთოდების მეშვეობით.

მშობლის მხრიდან ძალიან გონივრული არჩევანია CodeMonkey-ის პალტფორმის მეშვეობით შვილისთვის პროგრამირების სწავლების დაწყება, რადგან თამაშზე დაფუძნებული სწავლების მეთოდები ხელს უწყობს ბავშვებში ლოგიკური აზროვნების, პრობლემების გადაჭრის და შემოქმედები უნარების განვითარებას. ასევე, აღსანიშნავია ისიც, რომ ბავშვებს CodeMonkey -ის პლატფორმით შეუძლიათ თამაშების შექმნა და ამოცანების გადაჭრა, რაც მათ უფრო მეტად უბიძგებს ტექნოლოგიებით დაინტერესებისაკენ.  CodeMonkey-ის პლატფორმის სასწავლო პროგრამა ადაპტირებულია სხვადასხვა ასაკობრივი ჯგუფისთვის და არ საჭიროებს წინასწარ ტექნიკურ ცოდნას, რაც სწავლის პროცესს ხდის ბევრად მარტივსა და ხელმისაწვდომად.

- 2024 წელს რამდენ სკოლასთან ითანამშრომლეთ და ასევე საინტერესოა, გარდა თბილისისა და რომელი რეგიონებიდან იყო ყველაზე დიდი აქტივობა?

- 2024 წელს 30-ზე მეტი სკოლასთან ვითანამშრომლეთ და დღემდე ვაგრძელებთ თანამშრომლობას, აღსანიშვანია ის, რომ თბილისის გარდა საქართველოს მასშტაბით სხვადასხვა ქალქებისა და რეგიონების სკოლებიც დაინტერესებული არიან ჩვენი პლატფორმის დანერგვით და ჩვენი გუნდიც მაქსიმალრუად გვერდში უდგას მათ.

- ინტერესს საჯარო სკოლებიდან უფრო ამჩნევთ თუ კერძო სკოლებიდან?

- CodeMonkey-ის პალტფორმის დანერგვისადმი მაღალი ინტერესით გამოირჩევიან კერძო სკოლები, ამ მომენტში რამდენიმე საჯარო სკოლაში გვაქვს დანერგილი ჩვენი პლატფორმა და მას შემდეგ რაც დავიწყებთ მოლაპრაკების წარმოების პროცესს განათლების სამინისტროსთან ვფიქრობთ, კიდევ უფრო მეტი საჯარო სკოლა დაინტერესდება და თითოეული მათგანი დანერგავს ჩვენს პალტფორმას.

- დღეს CodeMonkey-ის პროგრამა რამდენ ქვეყანაშია დანერგილი და საინტერესოა ხდება თუ არა გამოცდილების გაზიარება მხარეებს შორის და გარკვეული სიახლეების შემოტანა სასწავლო პროცესში?

- CodeMonkey-ის პლატფრომა უკვე 10 წელია რაც არსებობს და უკვე მას მსოფლიოში 60 ქვეყნის 18,000-ზე მეტი სკოლა და 45 მილინზე მეტი მოსწავლე იყენებს. რაც შეეხება საერთაშორისო გამოცდილების გაზიარებას, CodeMonkey-ის თითოეული წარმომადგენელი ინტენსიურად არის პლატფორმის განვითაების პროცესში ჩართული და ყველა საჭირო ინფორმაციას ვუზიარებთ ერთმანეთს, რათა ყველა ქვეყნის მოსწავლეს ჰქონდეს თანაბარი შესაძლებლობების განათლებისა და ცოდნის მიღების კუთხით.

აღსანიშნავია, რომ წელს CodeMonkey წარმოდგენილი იყო Bett 2025-ზე და ისაუბრა თუ როგორი მნიშვნელოვანი და სასარგებლო ეფექტი აქვს CodeMonkey-ის პალტფორმის გამოყენებას მსოფლიოს სხავდასხვა ქვეყნების საგანმანათლებლო სისტემებზე. Bett 2025 არის ყველაზე დიდი საგანმანათლებლო ტექნოლოგიების ღონისძიება მსოფლიოში, სადაც 600+ ინოვაციური EdTech და Resource Provider კომპანიები უზიარებენ ერთმანეთს უახლეს პროდუქტებსა და სერვისებს, რომლებსაც შეუძლია შეცვალოს განათლების მიღების გზები მსოფლიოს მასშტაბით. Bett 2025 მოგვეცა საშუალება გვქონოდა შეხვედრები საუდის არაბეთის, კორეის, ბელგიის, თურქეთის, ყაზახეთის და სხვა ქვეყნის განათლების სამინისტროებთან, მოგვესმინა მათი სამომავლო გეგმები და გვესაუბრა სამომავლო პარტნიორობაზე. 2025 სასწავლო წლიდან CodeMonkey-ის პლატფორმას დაემატება ისეთი საგანმანათლებლო პროგრამები როგორიცაა : AI, Data Science, Web Development (HTML/CSS/JAVA), Design, Computer Science და ა.შ. CodeMonkey-ის პლატფორმის განვითარება გრძელდება და რათქმაუნდა ქართულ, უზბეკურ და ყაზახურ სკოლებსაც ექნება შესაძლებლობა დანერგონ დამატებით ახალი საგანმანათლებლო პროგრამები და ამით კიდევ უფრო მრავალფეროვანი გახადონ საგაკვეთილო პროცესი.