ბანკი ქართუ ცენტრალური და აღმოსავლეთ ევროპის საბანკო ასოციაციის წევრი გახდა. ამის შესახებ ინფორმაცია ასოციაციის ვებგვერდზეა ხელმისაწვდომი.
ასოციაციის წევრები არიან ევროკავშირში, ცენტრალურ და აღმოსავლეთ ევროპაში, კავკასიასა და ცენტრალურ აზიაში რეგისტრირებული კომერციული ბანკები.
ასოციაციის მიზანს წარმოადგენს აღნიშნული რეგიონების ფინანსური სექტორის სტაბილურობის და მდგრადი განვითარების ხელშეწყობა, ფინანსური პროდუქტების შესახებ კომერციულ ბანკებს შორის არსებული გამოცდილების გაზიარება, ასევე მიმდინარე გამოწვევებსა და სიახლეებზე სამუშაო ფორმატში საერთო მიდგომების შემუშავება.
აღნიშნული ასოციაციის წევრობა ბანკისთვის საერთაშორისო პარტნიორებთან არსებული ურთიერთობების გამყარებისა და ახალი შესაძლო თანამშრომლობის განვითარების დამატებით შესაძლებლობას წარმოადგენს, რაც თავის მხრივ ბანკის მაღალი ხარისხის სერვისის წინაპირობას წარმოადგენს.
BACEE-ის წევრობა ღიაა ყველა ბანკისთვის, რომელსაც აქვს კარგი რეპუტაცია ევროკავშირიდან და ცენტრალური/აღმოსავლეთ/სამხრეთ-აღმოსავლეთ ევროპიდან, კავკასიიდან და ცენტრალური აზიიდან, რომლებსაც სურთ თავიანთი ბიზნესის განვითარება ევროპულ და გლობალურ პარტნიორებთან.
BACEE დაარსდა 1996 წელს ცენტრალურ და აღმოსავლეთ ევროპაში ფინანსური სექტორის განვითარების ხელშეწყობის მიზნით. BACEE-ის მთავარი მიზანია ხელი შეუწყოს მისი წევრი ბანკების ბიზნეს ურთიერთობებს ევროპულ და გლობალურ პარტნიორებთან
