ანალიტიკოსები ოქროს გაიაფებას პროგნოზირებენ

ანალიტიკოსები ოქროს გაიაფებას პროგნოზირებენ, ამის შესახებ Galt & Taggart-ის ნედლეულის ბაზრის მიმოხილვაშია ნათქვამი. 

2023 წლის სექტემბერში ოქროს ფასი თვიურად 4.7%-ით 1,848.6 აშშ დოლარამდე შემცირდა, რაც 2023 წლის მარტის შემდეგ ყველაზე დაბალი მაჩვენებელია.

ოქროზე მთავარი უარყოფითი გავლენა ძლიერ დოლარს აქვს. ამასთან, ინვესტორები ვარაუდობენ საპროცენტო განაკვეთების მაღალ დონეზე მეტი ხნით შენარჩუნებას, შესაბამისად, მათთვის აშშ-ს სახაზინო ობლიგაციები უფრო მიმზიდველია, ვიდრე ოქრო.

გასულ თვეებში ოქროს ფასმა 2,000 აშშ დოლარს გადააჭარბა, თუმცა მიმდინარე ტრენდის ფონზე, ანალიტიკოსები მის 1,800 აშშ დოლარზე ქვემოთ შემცირებასაც ვარაუდობენ.

მიუხედავად ამისა, Saxo Bankის პროგნოზით, ოქროზე, როგორც რეცესიის ჰეჯირების ინსტრუმენტზე, მოთხოვნა შენარჩუნდება.