14 თებერვალს „გალერია თბილისში“ 50%-მდე ფასდაკლებაა

14 თებერვალს „გალერია თბილისში“ 50%-მდე ფასდაკლებაა. როგორც Business Insider Georgia-ს სავაჭრო ცენტრის ადმინისტრაციაში განუცხადეს, 14 თებერვალს, ვალენტინობასთან დაკავშირებით სხვადასხვა ობიექტების მიერ გამოცხადებულია 50%-მდე ფასდაკლებები.

„ასევე, „გალერია თბილისში“ გვექნება შეთავაზება სასაჩუქრე ბარათებზე, რომელიც გულისხმობს მომხარებლისთვის სხვადასხვა საჩუქრების გადაცემას“, - განმარტავენ „გალერია თბილისში“

„გალერია თბილისი“ მრავალფუნქციური სავაჭრო ცენტრია, რომელმაც გააცოცხლა ქალაქის ცენტრი და ახალი ენერგიით აავსო თბილისი.

ეს არის ყოველდღიური დანიშნულების ადგილი, სადაც ნებისმიერი წვრილმანისთვის შესაძლებელია შემოვლა - საშოპინგოდ, გასართობად, წასახემსებლად, სხვადასხვა სერვისის მისაღებად.

„გალერია თბილისი“ საქართველოს თანაინვესტირების ფონდის ერთ-ერთი პროექტია ტურიზმისა და უძრავი ქონების მიმართულებით. ფონდმა აღნიშნული პროექტის განხორციელება 2015 წელს დაიწყო. ჯამურმა ინვესტიციამ 97 მლნ აშშ დოლარი შეადგინა. მშენებლობის პროცესში 2000 ადამიანი დასაქმდა.