Xerox-ი რუსეთის ბაზარს ტოვებს

ერთ-ერთი მსოფლიო ლიდერი ბეჭდვისა და დოკუმენტების მართვის ტექნოლოგიების სფეროში, ამერიკული Xerox  რუსეთის ბაზარს ტოვებს და ამ ქვეყანაში თავის შვილობილ კომპანიას ყიდის, - ნათქვამია კომპანიის განცხადებაში.

შეგახსენებთ, რომ უკრაინაში რუსეთის ფართომასშტაბიანი შეჭრის შემდეგ  Xerox-მა შეზღუდა თავისი საქმიანობა რუსეთში.
შეზღუდული ტრანზაქციები მოიცავდა ბიზნესს მხოლოდ კონკრეტულ კლიენტებთან და პარტნიორებთან, ყველა მოქმედი სანქციით. ახლა Xerox-ი წყვეტს თავის საქმიანობას რუსეთის ფედერაციაში და ყიდის თავის რუსულ ფილიალს ადგილობრივ მენეჯმენტზე.

შპს Xerox-ი (CIS) აგრძელებს მუშაობას, როგორც დამოუკიდებელი ორგანიზაცია და მალე სახელს შეიცვლის, წერს კომერსანტი.
Xerox-ი არის ამერიკული კორპორაცია, ერთ-ერთი მსოფლიო ლიდერი ბეჭდვისა და დოკუმენტების მართვის ტექნოლოგიების სფეროში, პიონერი ქსეროქსის მასიური წარმოების სფეროში. 1906 წელს დაარსებული კომპანია Haloid Company-ის სახელით, თავდაპირველად აწარმოებდა ფოტოგრაფიულ ქაღალდს. 1958 წელს კომპანიას ეწოდა Haloid Xerox, ხოლო 1961 წელს - Xerox Corporation.

„2022 წლის მარტში Xerox Holdings Corp. შეაჩერა პროდუქციის მიწოდება რუსეთში“, - განაცხადა კომპანიის ფინანსურმა დირექტორმა, ქსავიერ ჰეისმა.