TOP-5 ქვეყანა, სადაც საქართველო ჯემებს ყიდის და ყიდულობს

ქვეყანაში წარმოებული ჯემების ექსპორტი შემცირდა. საქსტატის ინფორმაციით, 2024 წლის იანვარ-ივლისში ქვეყანამ საზღვარგარეთ 358.95 ათასი დოლარის ღირებულების 203.52 ტონა ჯემი გაგზავნა, ხოლო 2023 წლის ანალოგიურ პერიოდში კი 296.62 ტონა, შესაბამისად კლება 32%-ია. საქართველოში წარმოებული ჯემებისთვის ნომერ პირველი საექსპორტო ბაზარი რუსეთია, ხოლო შემდეგ აშშ და ლატვია მოდის.

2024 წელს ქართული ჯემები 15 საექსპორტო ბაზარზე გაიყიდა. 

აღსანიშნავია, რომ ჯემების ექსპორტმა თავის ისტორიულ მაქსიმუმს 2017-2018 წლებში მიაღწია. 

TOP-5 ქვეყანა, სადაც საქართველო ჯემებს ყიდის:

• რუსეთი - 156.75 ტონა,
• აშშ - 27.69 ტონა,
• ლატვია - 6.25 ტონა,
• ისრაელი - 5.46 ტონა,
• გერმანია - 2.64 ტონა.

რაც შეეხება ჯემების იმპორტს ზრდა 27%-ია. 2024 წლის 7 თვეში ქვეყანამ  3,021.20 ათასი დოლარის ღირებულების 1,188.36 ტონა ჯემი იყიდა, 2023 წლის 7 თვეში კი 932.22 ტონა. ჯემების იმპორტის მიმართულებით საქართველოსთვის ლიდერი  საბერძნეთია, რადგან სწორედ საბერძნეთიდან შემოდის ყველაზე მეტი ჯემი.
TOP-5 ქვეყანა, სადაც საქართველო ჯემებს ყიდულობს:

• საბერძნეთი - 263.45 ტონა,
• რუსეთი - 260.13 ტონა,
• თურქეთი - 237.14 ტონა,
• აზერბაიჯანი - 178.46 ტონა,
• ავსტრია - 56.75 ტონა.