თბილისში, საქართველოს ფეხბურთის ფედერაციის ოფიციალური მაღაზია გაიხსნა

თბილისში, საქართველოს ფეხბურთის ფედერაციის ოფიციალური მაღაზია გაიხსნა. 

ახალ მაღაზიაში ნაკრების ოფიციალური პროდუქციაა წარმოდგენილი. სათამაშო ფორმასთან ერთად მაღაზიაში, საგულშემატკივრო მაისურებისა და ატრიბუტიკის ყიდვაა შესაძლებელი. განახლებულ კოლექციაში საბავშვო ზომებიც არის გათვალისწინებული.

მაღაზია სფფ-ის პრეზიდენტმა, ლევან კობიაშვილმა ვეტერან ფეხბურთელებთან ერთად გახსნა. ღონისძიებას ესწრებოდნენ სფფ-ის გენერალური მდივანი დავით მუჯირი, სფფ-ის პირველი ვიცე-პრეზიდენტი კახა ჭუმბურიძე და ვიცე-პრეზიდენტები, აკაკი ალადაშვილი და ნიკოლოზ ჯღარკავა.

ევროპის ჩემპიონატის ფარგლებში, სფფ-ის ოფიციალური მაღაზიის პროდუქცია წარმოდგენილი იქნება თბილისის და ბათუმის Duty Free-ში, ასევე კარფურის თბილისი მოლის, ისთ ფოინთის, ქუთაისის, გორისა და ბათუმის ჰიპერმარკეტებში

სფფ-ის ოფიციალური მაღაზია ჭავჭავაძის 74-ში, მიხეილ მესხის სახელობის სტადიონის შესასვლელთან მდებარებოს. მაღაზია ყოველდღე 10:00-დან 20:00 საათამდე იმუშავებს. პროდუქციის შეძენა კვლავ იქნება შესაძლებლეია ონლაინ მაღაზიაში - fanshop.ge