QooQy Bakery / ქუქი ბეიქერი ყველა სეზონზე მოთხოვნადი ობიექტია, სადაც მომხმარებლებს მაღალი ხარისხის პროდუქტების დაგემოვნება სასურველ გარემოში შეუძლიათ და ამისთვის კომპანია მათ მაქსიმალურ კომფორტს სთავაზობს. როგორც კომპანიის თანადამფუძნებელი ილია გეფერიძე Busness Insider Georgia - თან ამბობს,
ბრენდის საქმიანობაში ყველა პერიოდი დატვირთულია, თუმცა შემოდგომა ერთ-ერთი ყველაზე აქტიური სეზონია.
ამასთან, ილია გეფერიძე საუბრობს რამდენიმე მიზეზზე, რაც მისი თქმით, ,,ქუქი ბეიქერის“ მიმართ მაღალ მოთხოვნას განაპირობებს.
,,პირველი, რის გამოც მომხმარებელი გვირჩევს, არის მაღალი ხარისხი, მეორეც - განსხვავებული მოდელები, რომელსაც სხვაგან ვერსად ნახავთ. მესამე და ერთ-ერთი მნიშვნელოვანი ფაქტორი მაღალი ხარისხის სერვისია, რასაც მომხმარებელს ვთავაზობთ. რაც შეეხება გეგმას, გვინდა, რომ საკონდიტრო მიმართულება განვავითაროთ. სახლური ტორტების დამატებას ვგეგმავთ. დაახლოებით 1 წლის ვადაში ამ ყველაფრისთვის მზად ვიქნებით. ჩვენი მიზანია ,,ქუქი ბეიქერი“ გახდეს სექტორში ლიდერი კომპანია, რომელიც მომხმარებლებს მაღალი ხარისხისა და გემოვნური თვისებებით გამორჩეულ პროდუქციას შესთავაზებს. მომავალ წელს უკვე 10 ფილიალით ვიქნებით წარმოდგენილი. შესაბამისად, დასაქმებულების რაოდენობაც გაორმაგდება" - ამბობს ილია გეფერიძე.
მისი ინფორმაციით, ნედლეულის ძირითადი მომწოდებელი იტალია და საფრანგეთია, რომელთანაც „,ქუქი ბეიქერს" პირდაპირი კონტაქტი აქვს. კომპანია ამ დროისთვის 50-მდე სახეობის საკონდიტრო პროდუქციას, მათ შორის ორცხობილებს აწარმოებს.
,,ქუქი ბეიქერის“ პირველი ფილიალი თბილისში 2021 წლის 17 ივლისს გაიხსნა.
Insider WEEKEND-ის მხარდამჭერია სელფი მობაილი
Insider WEEKEND-ის მხარდამჭერია სელფი მობაილი
