ერთა ლიგის B დივიზიონის მეორე ტურში საქართველოს ეროვნულმა საფეხბურთო ნაკრებმა ალბანეთს 1:0 სძლია. ქართველებმა გამარჯვება გიორგი ქოჩორაშვილის გოლით მოიპოვეს.
ნაკრებებს შორის შეხვედრა ტირანაში გაიმართა.
ორი ტურის შემდეგ მოგროვებული 6 ქულით საქართველო ჯგუფში პირველ ადგილს იკავებს.
საქართველოს ეროვნულმა ნაკრებმა პირველი თამაში 7 სექტემბერს, ჩეხეთის ნაკრებთან გამართა და მეტოქე 4:1 დაამარცხა.
საქართველოს ეროვნული საფეხბურთო ნაკრები ერთა ლიგის B დივიზიონში პირველად ასპარეზობს. B1 ჯგუფში „ჯვაროსნები“ ალბანეთთან, უკრაინასა და ჩეხეთთან ერთად იმყოფებიან. მომდევნო შეხვედრას ეროვნული ნაკრები 11 ოქტომბერს უკრაინასთან გამართავს.
უახლესი
