საქართველოს ნაკრების შემადგენლობა სექტემბრის მატჩებისთვის

საქართველოს საფეხბურთო ნაკრები 7 სექტემბერს, უეფას ერთა ლიგის 2024/25 წლის სეზონის გათამაშებას იწყებს. ვილი სანიოლის გუნდი მიხეილ მესხის სახელობის სტადიონზე ჩეხეთის ნაკრებს დაუპირისპირდება. ეროვნული ნაკრების მთავარმა მწვრთნელმა ერთა ლიგის საწყისი ორი ტურისთვის 23 ფეხბურთელი გამოიძახა. ერთა ლიგის მეორე ტურში საქართველოს ნაკრები 10 სექტემბერს, სტუმრად, ალბანეთს შეხვდება.

საქართველოს ნაკრებში ორი დებიუტანტია - უკრაინული ჩერკასის წევრი, პოზიციით ნახევარმცველი შოთა ნონიკაშვილი და ყაზახური კაირათის მცველი ლუკა გადრანი.

ქართველი ფეხბურთელები მატჩებისთვის მოსამზადებელ ეტაპს თბილისში 2 სექტემბერს იწყებენ.

საქართველოს ნაკრებმა ერთა ლიგის B1 ჯგუფში თამაშის უფლება, C ლიგაში გამარჯვების შემდეგ მოიპოვა.

საქართველოს ნაკრების შემადგენლობა

მეკარე: გიორგი მამარდაშვილი (ვალენსია, ესპანეთი), გიორგი ლორია (ომონია არადიპუ, კვიპროსი), ლუკა გუგეშაშვილი (პანსერაიკოსი, საბერძნეთი)

დაცვა: გურამ კაშია (სლოვანი, სლოვაკეთი), ოთარ კაკაბაძე (კრაკოვია, პოლონეთი), გიორგი გველესიანი (პერსეპოლისი, ირანი), ლაშა დვალი (აპოელი, კვიპროსი), ლუკა ლოჩოშვილი (კრემონეზე, იტალია), გიორგი გოჩოლეიშვილი (კოპენჰაგენი, დანია), ირაკლი აზაროვი (შახტარი, უკრაინა), ლუკა გადრანი (კაირათი, ყაზახეთი), ჯიმი ტაბიძე (დინამო მახაჩყალა, რუსეთი)

ნახევარდაცვა/თავდასხმა: გიორგი ჩაკვეტაძე (უოტფორდი, ინგლისი), ოთარ კიტეიშვილი (შტურმი, ავსტრია), გიორგი ქოჩორაშვილი (ლევანტე, ესპანეთი), სანდრო ალთუნაშვილი (ვოლფსბერგი, ავსტრია), შოთა ნონიკაშვილი (ჩერკასი, უკრაინა), გიორგი წიტაიშვილი (გრანადა, ესპანეთი), საბა ლობჟანიძე (ატლანტა იუნაიტედი, აშშ), გიორგი მიქაუტაძე (ლიონის ოლიმპიკი, საფრანგეთი), ბუდუ ზივზივაძე (კარლსრუე, გერმანია), ხვიჩა კვარაცხელია (ნაპოლი, იტალია), ზურიკო დავითაშვილი (სენტ-ეტიენი, საფრანგეთი)

უეფას ერთა ლიგის კალენდარი | B1 ჯგუფი

7 სექტემბერი 

• ​საქართველო - ჩეხეთი
• უკრაინა - ალბანეთი

10 სექტემბერი

• ალბანეთი - საქართველო
• ჩეხეთი - უკრაინა

11 ოქტომბერი

• უკრაინა - საქართველო
• ჩეხეთი - ალბანეთი

14 ოქტომბერი

• საქართველო - ალბანეთი
• უკრაინა - ჩეხეთი

16 ნოემბერი

• საქართველო - უკრაინა
• ალბანეთი - ჩეხეთი

19 ნოემბერი

• ჩეხეთი - საქართველო
• ალბანეთი - უკრაინა

მედიის წარმომადგენელთა საყურადღებოდ: 30 აგვისტოს, 12:00 საათზე, მიხეილ მესხის სახელობის სტადიონის საკონფერენციო დარბაზში, ვილი სანიოლი მოახლოებულ მატჩებთან დაკავშირებით პრესკონფერენციას გამართავს.

პრესკონფერენციაზე დასწრების მსურველმა მედია ორგანიზაციების წარმომადგენლებმა, 29 აგვისტოს ჩათვლით, შესაბამისი მოთხოვნით მიმართეთ ფეხბურთის ფედერაციის პრესსამსახურს ელექტრონულ ფოსტაზე - media@gff.ge