ქვეყანაში სადებეტო ბარათების ბაზარი მზარდია და ბარათების მაჩვენებელ როგორც წლიურ ისე თვიურ ჭრილში იზრდება.
სებ-ის სტატისტიკური მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 11%-ით გაიზარდა, ხოლო აგვისტოში ივლისთან შედარებით 0,3%-ით.
2024 წლის აგვისტოს ბოლოსთვის ბაზარზე აქტიური 8 738 030 ერთეული სადებეტო ბარათი იყო.
სადებეტო ბარათების მხრივ კვლავ Mastercard-ი ლიდერობს. 2024 წლის აგვისტოს ბოლოსთვის არსებული საგადახდო სადებეტო ბარათებიდან 4 399 080 ერთეული სწორედ Mastercard-ზე მოდის.
Mastercard-ის ბარათების აგვისტოს მონაცემები კი ივლისის მაჩვენებლებთან შედარებით 0,2%-იან, ხოლო 2023 წლის აგვისტოსთან შედარებით 8%-იან ზრდას აჩვენებს..
აგვისტოს მდგომარეობით აქტიური სადებეტო ბარათებიდან 50%-ს Mastercard-ი ფლობს, ხოლო 30%-ს VISA.
2024 წლის აგვისტოს ბოლოსთვის მიმოქცევაში VISA-ს აქტიური 2 626 439 ბარათი იყო. ზრდა წინა თვესთან შედარებით 0,2%-ია, ხოლო 2023 წლის აგვისტოსთან შედარებით 7%-იანი ზრდაა.
არსებული სტატისტიკური მაჩვენებლების თანახმად, ბაზრის 20%-ის კი სხვადასხვა სახის სადებეტო ბარათებზე მოდის.
უახლესი
