როგორია ხორბლის იმპორტის მაჩვენებელი

ხორბლის იმპორტი 12%-იან კლებას აჩვენებს. საქსტატის ინფორმაციით, 2025 წლის იანვარ-თებერვალში საქართველომ 10,168.49 ათასი დოლარის ღირებულების 41,821.52 ტონა ხორბალი იყიდა. 2024 წლის პირველ ორ თვეში კი 47,520.93 ტონა. 

2025 წლის ორ თვეში საქართველოში ხორბლის იმპორტი ორი ბაზრიდან განხორციელდა, საიდანაც 78%-ის იმპორტი რუსეთიდან დაფიქსირდა.

ორი ქვეყანა, საიდანაც საქართველომ ხორბალი იყიდა:

რუსეთი - 32,811.53 ტონა - 8,160.83 ათასი დოლარი;

ყაზახეთი - 9,009.99 ტონა - 2,007.66 ათასი დოლარი. 

აღსანიშნავია, რომ 2024 წელს საქართველომ 76,151.72  ათასი დოლარის ღირებულების 326,504.80 ტონა ხორბალი იყიდა. 

არსებული სტატისტიკური მაჩვენებლებით კი საქართველოში ხორბლის იმპორტმა რეკორდი 2012 წელს დაამყარა, როდესაც ქვეყანამ 897,579.67 ტონა ხორბლის იმპორტი განახორციელა.