როგორია გერმანია-საქართველოს სავაჭრო ურთიერთობები

გერმანიიდან იმპორტი 5%-იან ზრდას, ხოლო საქართველოდან გერმანიაში ექსპორტი 24%-იან კლებას აჩვენებს. საქსტატის მონაცემებით, 2024 წლის იანვარ-მაისში საქართველომ გერმანიდან 401,945.73 ათასი დოლარის პროდუქცია იყიდა, ხოლო გასული წლის ანალოგიურ პერიოდში იმპორტმა 384,565.71 ათასი ლარი შეადგინა.

გერმანიიდან საქართველოში ნომერ პირველი საიმპორტო პროდუქტი მსუბუქი ავტომობილებია, რომელზედაც გერმანიიდან განხორციელებული იმპორტის 35%-ი მოდის.

TOP-5 პროდუქტი, რასაც საქართველო  გერმანიიდან ყიდულობს:

•  მსუბუქი ავტომობილები  -139,257.52 ათასი დოლარი,
• სამკურნალო საშუალებები დაფასოებული - 30,557.95  ათასი დოლარი,
• სატვირთო ავტომობილები - 15,822.53  ათასი დოლარი,
• ტრაქტორები და უნაგირა საწევარები - 10,132.13  ათასი დოლარი,
•  საფრენი აპარატები სხვა - 9,488.13  ათასი დოლარი.

2024 წლის იანვარ-მაისში საქართველომ გერმანიაში 19,866.04 ათასი დოლარის ღირებულების პროდუქცია შეიტანა. 2023 წლის ანალოგურ პერიოდში გერმანიაში ექსპორტი 26,051.14 ათასი დოლარის დონეზე იყო. ნომერ პირველი საექსპორტო პროდუქტი, რაც საქართველოს გერმანიაში შეაქვს ყურძნის ნატურალური ღვინოებია, რომელზედაც გერმანიაში ექსპორტის 13%-ი მოდის.

TOP-5 პროდუქტი, რასაც საქართველო  გერმანიაში ყიდის:

• ყურძნის ნატურალური ღვინოები - 2,527.14 ათასი დოლარი,
•  წმინდად და უხეშად დაფქული ფქვილი და ფხვნილი გამხმარი პარკოსანი ბოსტნეულისაგან - 2,073.59 ათასი დოლარი,
• მილები, მილაკები და ღრუ პროფილები, უნაკერო, შავი ლითონისაგან - 2,037.63 ათასი დოლარი,
• ნაყოფი და მცენარის სხვა ნაწილები, სხვა წესით დამზადებული ან დაკონსერვებული - 1,712.41 ათასი დოლარი,
• თხილი და სხვა კაკალი - 1,622.70 ათასი დოლარი.