რა მოცულობის მზესუმზირის ზეთის იმპორტი განხორციელდა იანვარში

ზეთის იმპორტი მზარდია, ისევე როგორც მოხმარება. საქსტატის სტატისტიკური მაჩვენებლების მიხედვით, 2025 წლის იანვარში საქართველომ 3,529.05 ათასი დოლარის ღირებულების 2,604.21 ტონა ზეთი (ზეთი მზესუმზირისა, ალისარჩულისა ან ბამბისა და მათი ფრაქციები) იყიდა, 2024 წლის იანვარში კი 2,481.64 ტონა. შესაბამისად იანვარში ზეთის იმპორტი 5%-ით გაიზარდა. 

2025 წლის იანვარში საქართველოში ზეთის იმპორტი სულ 8 ბაზრიდან განხორციელდა.

TOP 5 ქვეყანა, საიდანაც საქართველომ ზეთი იყიდა:

• რუსეთი - 2,115.73 ტონა;
• უკრაინა - 387.51 ტონა;
• აზერბაიჯანი - 36.58 ტონა;
• თურქეთი - 25.87 ტონა;
• უნგრეთი - 19.31 ტონა;

საგულისხმოა, რომ 2024 წელს საქართველომ რეკორდული რაოდენობის ზეთი იყიდა. არსებული მაჩვენებლების გათვალისწინებით, გასულ წელს ქვეყანამ 47,830.31 ტონა ზეთი შეიძინა, რაც 12%-ით მეტია 2023 წლის მაჩვენებლებთან შედარებით.