რა გაძვირდა და რა გაიაფდა - თებერვლის სტატისტიკა 

წლიურ ჭრილში ყველაზე მეტად კომბოსტოს ფასმა მოიმატა, ხოლო ყველაზე მეტად საზამთრო გაიაფდა. 

როგორც საქსტატის მონაცემებიდან ირკვევა, 2025 წლის თებერვალში 2024 წლის თებერვალთან შედარებით კომბოსტო 73,11%-ით გაძვირდა, ხოლო საზამთრო 18,14%-ით გაიაფდა.

გთავაზობთ 5 საკვები პროდუქტის ჩამონათვალს, რომლებიც წლიურ ჭრილში ყველაზე მეტად გაძვირდა

• კომბოსტო - 73,11%
• მწვანილი - 45,84%
• კივი - 45,36%
• მანდარინი - 25,86%
• ნიორი - 23,55%

5 საკვები პროდუქტი, რომლებიც წლიურ ჭრილში ყველაზე მეტად გაიაფდა:

• საზამთრო - 18,14%
• სიმინდის ფქვილი -12,89%
• კარტოფილი - 10,93%
• ატამი - 10,9%
• ვაშლი - 9,69%

2025 წლის თებერვალში წინა თვესთან შედარებით ინფლაციის დონემ საქართველოში 0.4 პროცენტი, ხოლო წლიური ინფლაციის დონემ 2.4 პროცენტი შეადგინა. რაც შეეხება საბაზო ინფლაციას , აღნიშნულმა მაჩვენებელმა 2025 წლის თებერვალში, გასული წლის შესაბამის პერიოდთან შედარებით 2.1 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი 2.0 პროცენტით განისაზღვრა.