რა გაძვირდა და რა გაიაფდა - დეკემბრის სტატისტიკა 

წლიურ ჭრილში ყველაზე მეტად მწვანილის ფასმა მოიმატა, ხოლო ყველაზე მეტად საზამთრო გაიაფდა. 

როგორც საქსტატის მონაცემებიდან ირკვევა, 2024 წლის დეკემბერში 2023 წლის დეკემბერთან შედარებით მწვანილი 117,53%-ით გაძვირდა, ხოლო საზამთრო 14,38%-ით გაიაფდა.

გთავაზობთ 5 საკვები პროდუქტის ჩამონათვალს, რომლებიც წლიურ ჭრილში ყველაზე მეტად გაძვირდა

• მწვანილი - 117,53%
• ნიორი - 46,27%,
• ბადრიჯანი- 45,59%,
• მწვანე ლობიო - 43,78%,
• პომიდორი - 31,22%.

5 საკვები პროდუქტი, რომლებიც წლიურ ჭრილში ყველაზე მეტად გაიაფდა:

• საზამთრო-  გაიაფდა 14,38%-ით,  
• სიმინდის ფქვილი - გაიაფდა 13,99%-ით,  
• კარტოფილი  - გაიაფდა 13,89%-ით,  
• ატამი  - გაიაფდა 11,61%-ით, 
• მსხალი - გაიაფდა 8,85%-ით.

2024 წლის დეკემბერში წინა თვესთან შედარებით ინფლაციის დონემ საქართველოში 0.7 პროცენტი, ხოლო წლიური ინფლაციის დონემ 1.9 პროცენტი შეადგინა

რაც შეეხება საბაზო ინფლაციას, აღნიშნულმა მაჩვენებელმა 2024 წლის დეკემბერში, გასული წლის შესაბამის პერიოდთან შედარებით 2.3 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი ასევე 2.3 პროცენტით განისაზღვრა.