პოლიტიკური ტურბულენტობა ხანმოკლე იქნება, რომელიც ეკონომიკის მოკლე და საშუალოვადიანი ზრდის პერსპექტივას ვერ შეცვლის - Galt & Taggart

Galt & Taggart-ი ქვეყნის ეკონომიკური ზრდის არსებულ პროგნოზს ძალაში ტოვებს, რადგანაც მიიჩნევს, რომ პოლიტიკურ გაურკვევლობას ხანმოკლე ხასიათი ექნება და ის ის ქვეყნის მოკლე და საშუალოვადიან ეკონომიკურ მაჩვენებლებზე ასახვას არ პოვებს. 

„ჩვენ ვინარჩუნებთ ზრდის პროგნოზებს 2024 და 2025 წლისთვის და მიგვაჩნია, რომ ეს პოლიტიკური გაურკვევლობა ხანმოკლე იქნება და არ შეცვლის მოკლე და საშუალოვადიან ზრდის პერსპექტივას“, - განმარტავენ Galt & Taggart-ში.

Galt & Taggart-ის ეკონომიკური ზრდის არსებული პროგნოზები 2024 წლისთვის ეკონომიკის 9%-იან ზრდას ითვალისწინებს, ხოლო მომავალ, 2025 წელს კი 6%-იან ზრდას.