საკანონმდებლო ორგანოს რეგლამენტის შესაბამისად, პარლამენტის საშემოდგომო სესია სექტემბრის პირველ სამშაბათს იხსნება. შესაბამისად, 5 სექტემბერს საშემოდგომო პლენარული სხდომით გაიხსნება.
„საშემოდგომო სესიის ფარგლებში მოსასმენია სახელმწიფო უწყებების საქმიანობის წლიური ანგარიშები, მათ შორის სახელმწიფო უსაფრთხოების სამსახურის. ამ სესიის ფარგლებში ჩანიშნული იქნება მინისტრის საათის ფორმატები. ასევე, ოპოზიცია მთავრობის წევრების მოსმენას ინტერპელაციის ფორმატშიც ითხოვს“, - ამის შესახებ საზოგადოებრივი მაუწყებელი იუწყება.
ოპოზიციის წარმომადგენლები მინისტრების დაბარებას საკომიტეტო ფორმატებშიც ითხოვენ, მათ შორის ეკონომიკური გუნდის. დარგობრივი კომიტეტის ფარგლებში ინფრასტრუქტურის მინისტრის მისვლა რომან გოცირიძემ და ხატია დეკანოიძემ მოითხოვეს, მათ კითხვები რიკოთის გზის მშენებლობის შესახებ აქვთ.
რეგლამენტის მიხედვით, პარლამენტი საშემოდგომო სესიას დეკემბრის მესამე პარასკევს ხურავს.
უახლესი
13 საათის წინ
sCoolApp-ში საჩუქრების კამპანია დაიწყო13 საათის წინ
ლარის კურსი დოლართან და ევროსთან გამყარდა13 საათის წინ
საქართველოს ავიაბაზარის TOP 5 მოთამაშე
