საქართველოს პარლამენტის ეთიკის საბჭოს წევრთა რაოდენობა ორით გაიზარდა და 22 წევრით განისაზღვრა. ამის შესახებ საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა კომიტეტის სხდომაზე განაცხადა, სადაც საქართველოს პარლამენტის ეთიკის საბჭოში პროპორციული წარმომადგენლობის კვოტების განსაზღვრის თაობაზე საკითხი განიხილეს.
მისი თქმით, ცვლილების მიზეზი პარლამენტში ახალი პოლიტიკური ჯგუფის - „ეროვნული და დემოკრატიული სახელმწიფოსათვის" შექმნა გახდა.
„პარლამენტის რეგლამენტით, პარლამენტის ეთიკის საბჭოში თანაბრად უნდა იყოს წარმოდგენილი როგორც ოპოზიცია, ასევე უმრავლესობა და ახალი პოლიტიკური ჯგუფის შექმნიდან გამომდინარე ერთი წევრი დაემატა ოპოზიციას, ერთი კი - უმრავლესობას. შესაბამისად, კვოტები განისაზღვრა 22 წევრით: 11 უმრავლესობა, 11 - ოპოზიცია", - განაცხადა ირაკლი ქადაგიშვილმა.
კომიტეტმა წარმოდგენილი კვოტები დაამტკიცა.
უახლესი
12 საათის წინ
sCoolApp-ში საჩუქრების კამპანია დაიწყო13 საათის წინ
ლარის კურსი დოლართან და ევროსთან გამყარდა13 საათის წინ
საქართველოს ავიაბაზარის TOP 5 მოთამაშე
