ნული პროცენტი ოკუპაცია და ნული პროცენტი სიღარიბე - ასეთია ჩვენი ოცნების საქართველო - ირაკლი კობახიძე

პრემიერ-მინისტრობის კანდიდატმა, ირაკლი კობახიძემ პლენარულ სხდომაზე გამოსვლისას განაცხადა, რომ ნული პროცენტი ოკუპაცია და ნული პროცენტი სიღარიბე - ეს არის ქართული ოცნება და ასეთია ჩვენი ოცნების საქართველო. 

კობახიძის განცხადებით, საქართველოს მთავრობის უმთავრესი ეროვნული ამოცანაა, მშვიდობიანი გზით საქართველოს ტერიტორიული მთლიანობის აღდგენა და სიღარიბის სრულად დაძლევა.

„დღეს საქართველოს 20% ოკუპირებულია და საქართველოს მოსახლეობის 15% სიღარიბის ზღვარზე ცხოვრობს. ჩვენ მხოლოდ მას შემდეგ შეიძლება ვიყოთ კმაყოფილი საკუთარი საქმიანობით და თვითკმაყოფილი საკუთარი თავით, რაც ამ ორ პროცენტულ მაჩვენებელს გავანულებთ. 0% ოკუპაცია და 0% სიღარიბე - ეს არის „ქართული ოცნება“ და ასეთია ჩვენი ოცნების საქართველო“,- აღნიშნა კობახიძემ.