აზერბაიჯანის სტატისტიკის სახელმწიფო კომიტეტის ცნობით, ნავთობის ექსპორტი ბაქო-თბილისი-ჯეიჰანის (BTC) მილსადენით, რომელსაც მართავს BP, 2023 წლის იანვარ-ნოემბერში 27,6 მლნ ტონამდე გაიზარდა, (2022 წლის იანვარ-ნოემბერში 27,1 მლნ ტონა).
BTC-ით გადაზიდული ტრანზიტული ნავთობის მოცულობა 4,7 მილიონი ტონიდან 4,8 მილიონ ტონამდე გაიზარდა.
აზერბაიჯანმა ნავთობის ექსპორტის მთლიანი მოცულობის 75,9% BTC-ით გადაიტანა, რამაც 2023 წლის იანვარ-ნოემბერში 36,4 მლნ ტონა შეადგინა.
BTC-ის მთლიანი სიგრძე, რომელიც აწვდის კასპიის ნავთობს თურქეთის პორტ ჯეიჰანში ხმელთაშუა ზღვის სანაპიროზე ტანკერებით შემდგომი გადაზიდვისთვის 1768 კილომეტრია. მილსადენის სიმძლავრე იძლევა დღეში 1,2 მილიონი ბარელი ნავთობის ექსპორტის საშუალებას. პროექტის მიხედვით, BTC-ის სიმძლავრე შეიძლება გაიზარდოს 2,2 მილიონ ბარელამდე დღეში.
უახლესი
2 საათის წინ
როგორია მსუბუქი ავტომობილების რეექსპორტის სტატისტიკა2 საათის წინ
ADB-ის ახალი პრეზიდენტი ჰყავს2 საათის წინ
კიბერრჩევები შავი პარასკევისთვის
