კაკაოს ფიუჩერსები ნიუ-იორკსა და ლონდონში 18 მარტს რეკორდულ დონემდე გაიზარდა, რაც გამოწვეული იყო მიწოდების დეფიციტით დასავლეთ აფრიკაში ცუდი მოსავლის შემდეგ, პარალელურად ძვირდება ყავა და შაქარიც.
ამის შესახებ Reuters იუწყება.
ნიუ-იორკში ივლისის ფიუჩერსებზე კაკაოს ფასი ტონაზე გაიზარდა 0,1%-ით და 7,230 აშშ დოლარამდე.
ორშაბათს, BMI-მ 2024 წელს კაკაოს საშუალო ფასის პროგნოზი 60%-ით გაზარდა 6000 დოლარამდე ტონაზე, რაც განპირობებული იყო კაკაოს დაბალი გლობალური წარმოებით.
ივლისის ფიუჩერსებზე კაკაოს ფასი ლონდონში გაიზარდა 2,7%-ით და 5921 ფუნტ სტერლინგამდე, მას შემდეგ რაც მიაღწია რეკორდულ მაჩვენებელს 6246 ფუნტ სტერლინგს ტონაზე.
რობუსტას ყავის მაისის ფიუჩერსები გაიზარდა 0,9%-ით და ტონაზე $3,339 შეადგინა.
დილერები ამბობენ, რომ მიწოდება ვიეტნამში, რომელიც რობუსტას წამყვანი მწარმოებელია, შემჭიდროებულია, რაც ფასის კლებას აფერხებს.
არაბიკას ყავის ფასი გაიზარდა 0,03%-ით და 1,83 დოლარამდე ფუნტზე.
ნედლი შაქრის მაისის ფიუჩერსების ფასი გაიზარდა 0,1%-ით და 22,15 ცენტამდე ფუნტზე. თეთრი შაქარი გაძვირდა 0,4%-ით და ტონაზე 626 დოლარამდე.
დილერები ამბობენ, რომ ბაზარი რეაგირებს 2024/2025 წლის სეზონზე ბრაზილიაში შაქრის ლერწმის წარმოებს შემცირების მაჩვენებლებზე და შესაბამისად შაქრის გაძვირებაა მოსალოდნელი.
უახლესი
