მაკა ბოჭორიშვილი საქართველოში ბელგიის ახლად დანიშნულ ელჩს შეხვდა

საგარეო საქმეთა მინისტრი მაკა ბოჭორიშვილი საქართველოში ბელგიის ახლად დანიშნულ ელჩს (რეზიდენციით ქ. ბაქო), ჟულიენ დე ფრაპონს შეხვდა.

საუბარი შეეხო ქვეყნებს შორის არსებული მეგობრული კავშირების გაღრმავების პერსპექტივებს.

ყურადღება დაეთმო საქართველო-ევროკავშირის ურთიერთობებს და სამომავლო განვითარების შესაძლებლობებს. ამასთან, მხარეებმა ისაუბრეს ევროპასა და რეგიონში არსებულ უსაფრთხოების გარემოზე და თანმდევ გამოწვევებზე.

შეხვედრაზე ასევე განხილულ იქნა ქვეყანაში მიმდინარე პროცესები.

მინისტრმა ელჩს წარმატებული საქმიანობა უსურვა და მასთან შემდგომი თანამშრომლობის მზაობა გამოხატა.

ინფორმაციას საქართველოს საგარეო საქმეთა სამინისტრო ავრცელებს.