კომუნალურ სექტორში ხელოვნური ინტელექტს ჩაშენება დაწყებულია - სემეკის თავმჯდომარე

კომუნალურ სექტორში ხელოვნურ ინტელექტს ჩაშენება დაწყებულია. ამის შესახებ სემეკის თავმჯდომარემ დავით ნარმანიამ რადიო „სივრცის“ (FM 98.5) ეთერში, გადაცემა Business Insider Georgia-ში სტუმრობისას ისაუბრა.
ნარმანიას განმარტებით, პროექტის განხორციელების შემდეგ ხელოვნური ინტელექტი ყველა ზარს პასუხს თავად გასცემს.

„ხელოვნური ინტელექტი არის მნიშვნელოვანი ინსტრუმენტი მისი სწორად გამოყენების შემთხვევაში, რომ გაუადვილდეთ კომუნალურ კომპანიებს მომხმარებლებისთვის სხვადასხვა ინფორმაციის მიწოდება და მათ შორის მომხმარებლებსაც უადვილდებათ კომუნალურ კომპანიებთან ურთიერთობა. ავარიების შემთხვევაში, როდესაც მთელი უბანი რეკავს ერთდროულად წყალმომარაგების კომპანიაში, თუ ელექტრო კომპანიაში, თუ გაზის კომპანიაში შეუძლებელია სამმა და ხუთმა ოპერატორმა ყველას გასცეს პასუხი. ამიტომ ლოდინის დრო არის ძალიან დიდი. თუ ჩვენ ხელოვნურ ინტელექტს ჩავაშენებთ და ამისი გაკეთება დაწყებულია, კომუნალურ სექტორში, ჩავაშენებთ ცხელ ხაზზე. ხელოვნური ინტელექტი გასცემს პასუხს ყველა ზარს, რომ ამა და ამ უბანში მოხდა ესა და ეს ავარია და ამ და ამ პერიოდში იქნება ეს ყველაფერი აღდგენილი. გააგზავნის მოკლე ტექსტურ შეტყობინებებს უფრო სწრაფ რეჟიმში ავარიის შემთხვევაში, ვიდრე დღეს არსებული სისტემით იგზავნება და ა.შ“, - აღნიშნა დავით ნარმანიამ.