ვარშავის შოპენის აეროპორტში საძილე კაფსულები დაამონტაჟეს

ვარშავის შოპენის აეროპორტის არაშენგენის ზონაში საძილე კაფსულები გამოჩნდა, რათა ტრანზიტულ მგზავრებს დასვენება შეეძლოთ. თუმცაღა ასეთი სიამოვნება არ არის იაფი: ერთი საათის განმავლობაში კაფსულა – 60 PLN (€ 13) ღირს, ორისთვის – 110 PLN (€ 25).

220 სანტიმეტრი სიგრძის კაფსულები აღჭურვილია ლეიბით, ბალიშით, საბანით. დამატებით კომპლექტში შედის საძილე სახვევი, ყურსასმენები და ჩუსტები. თქვენ შეგიძლიათ დატოვოთ ბარგი სპეციალურ შესანახ განყოფილებაში. საძილე ადგილები ღიაა 19:00 საათიდან 07:00 საათამდე – სატესტო რეჟიმში.

თქვენ ასევე შეგიძლიათ დარჩეთ მთელი ღამე. ორი საათის გადახდის შემდეგ, ყოველი შემდეგი საათი  40 PLN (9 ევრო) ღირს.

„იდეა მშვენიერია, მაგრამ ფასები კოსმიურია“, – წერენ Facebook-ის მომხმარებლები.