ცნობილია, რომელ დარგშია ყველაზე მეტი დასაქმებული

საქსტატის მონაცემებით, 2022 წლის IV კვარტალში დასაქმებულთა რაოდენობის მიხედვით ბიზნეს სექტორში ვაჭრობის (საბითუმო და საცალო ვაჭრობა; ავტომობილების და მოტოციკლების რემონტი), დამამუშავებელი მრეწველობისა და ჯანდაცვის და სოციალური მომსახურების საქმიანობების დარგები ლიდერობენ. 

ბიზნეს სექტორის დასაქმებულთა რაოდენობის სტრუქტურა, 2022 წლის IV კვარტალი

• საბითუმო და საცალო ვაჭრობა ავტომობილების და მოტოციკლების რემონტი - 27.8%
• დამამუშავებელი მრეწველობა - 12.6%;
• ჯანდაცვა და სოციალური მომსახურების საქმიანობები - 9.9%;
• მშენებლობა - 8.5%;
• ტრანსპორტი და დასაწყობება - 8.0%;
• ინფორმაცია და კომუნიკაცია - 5.7%;
• განთავსების საშუალებებით უზრუნველყოფის და საკვების მიწოდების საქმიანობები - 5.0%;
• სხვა დარგები - 22.5%;

საქსტატის მონაცემებით, 2022 წლის IV კვარტალში ბიზნეს სექტორში დასაქმებულთა საშუალო რაოდენობა 741.0 ათასი კაცით განისაზღვრა. ამასთან, ბიზნეს სექტორის ბრუნვის მოცულობა 18.1 პროცენტით გაიზარდა და 51.7 მილიარდი ლარი შეადგინა.