თიბისის ანგარიშებიდან თანხის გატანის საკომისიო იზრდება

ფიზიკური პირის მიერ თიბისის ფილიალებისა და სერვისცენტრების სალაროში ანგარიშებიდან თანხის გატანის საკომისიო იზრდება. 

თიბისი ბანკმა მომხმარებელს საკომისიო უკვე გაუგზავნა. 

20 ოქტომბრიდან ფიზიკური პირის მიმდინარე ანგარიშიდან თანხის გატანის საკომისიო განისაზღვრება - 0.6%-ით;  20 ოქტომბრამდე კი ლარში გატანის საკომისიო 0.2%-ია, ხოლო უცხოურ ვალუტაში - 0.25%.

20 ნოემბრიდან ფიზიკური პირის ჩემი სეიფის ანგარიშიდან თანხის გატანის საკომისიო დღეს მოქმედი 0.2%-ის ნაცვლად 0.6% გახდება, ხოლო უცხოურ ვალუტას გატანისას 0,25%-ის ნაცვლად ასევე 0.6% იქნება.

ასევე, 20 ნოემბრიდან ფიზიკური პირის შემნახველი ანგარიშიდან თანხის გატანის საკომისიო განისაზღვრება 0.6%-ით. საკომისიო ვრცელდება, როგორც ნაღდი, ასევე უნაღდო ანგარიშსწორების წესით ანგარიშზე განთავსებული თანხის გატანაზე. ცვლილება ეხება როგორც ლარის, ასევე უცხოური ვალუტის ანგარიშებს.

ბანკომატებიდან თანხის გატანის საკომისიო უცვლელი რჩება.