საქართველოს რომელ ქალაქებში გაკონრტროლდება მანქანების გამონაბოლქვი

გარემოსდაცვითი ზედამხედველობის დეპარტამენტის თანამშრომლები გზებზე მანქანების გამონაბოლქვის კონტროლს სექტემბრიდან ოთხ ქალაქში: თბილისში, ქუთაისში, ბათუმსა და რუსთავში დაიწყებენ.

პარლამენტმა „ადმინისტრაციულ სამართალდარღვევათა კოდექსში“ გარემოს დაცვისა და სოფლის მეურნეობის სამინისტროს მიერ მომზადებულ ცვლილებებს მხარი დაუჭირა.

სანქციები შემდეგ ჯარიმებს ითვალისწინებს:

დამრღვევი ფიზიკური პირი პირველ ჯერზე დაჯარიმდება 100 ლარით,  განმეორების შემთხვევაში - 300 ლარით, კვლავ განმეორების შემთხვევაში კი - 600 ლარით; იურიდიული პირი პირველ ჯერზე 500 ლარით დაჯარიმდება, განმეორებით შემთხვევაში - 1 500 ლარით, ხოლო დამატებითი განმეორების შემთხვევაში - 3 000 ლარით.