სომხეთმა და ირანმა ხელი მოაწერეს დოკუმენტს "გაზი ელექტროენერგიის სანაცვლოდ" ხელშეკრულების გაგრძელების შესახებ, იუწყება რუსული მედია სომხეთის ტერიტორიული ადმინისტრაციისა და ინფრასტრუქტურის სამინისტროს პრესსამსახურზე დაყრდნობით.
შეთანხმებას ხელი მოაწერეს ერევნის თბოელექტროსადგურის CJSC გენერალურმა დირექტორმა არამ ღაზარიანმა და ირანის ისლამური რესპუბლიკის ნავთობის მინისტრის მოადგილემ, გაზის ეროვნული კომპანიის დირექტორმა მაჯიდ ჩეგენიმ.
„შეთანხმების გაგრძელება არის მომგებიანი გარიგება. ეს შექმნის შესაძლებლობას გაზარდოს გაზის იმპორტი და ელექტროენერგიის ექსპორტი, რაც, რა თქმა უნდა, დადებითად აისახება ორივე ქვეყნის ეკონომიკურ განვითარებაზე“, - განაცხადა ტერიტორიული მართვისა და ინფრასტრუქტურის მინისტრმა გნელ სანოსიანმა.
ხელშეკრულება 2030 წლამდე გახანგრძლივდა.
სომხეთმა და ირანმა გაზის სანაცვლოდ ელექტროენერგიის ურთიერთმიწოდება 2009 წლიდან დაიწყეს.
