ფრანგული ალკოჰოლური კონცერნი Pernod Ricard-ი რუსეთში წარმომადგენლობის დახურვას გეგმავს

ფრანგული ალკოჰოლური კონცერნი Pernod Ricard, რომელიც ფლობს ბრენდებს Chivas Regal, Jameson, Ballantine's, Ararat, რუსეთში წარმომადგენლობის დახურვას გეგმავს..

ამის შესახებ რუსული „კომერსანტი“ წერს.

ამგვარად, ლორან პილე, P.R.Rus JSC-ის გენერალური დირექტორი, რომელიც 2019 წლიდან ხელმძღვანელობდა სტრუქტურას, გადავიდა სხვა რეგიონში, და იგნატი არაკელიანი, რომელიც ხელმძღვანელობდა ერევნის კონიაკის ქარხანას, რომელიც Pernod Ricard-ის ნაწილია, ბიზნესის შეწყვეტას ზედამხედველობას გაუწევს.

პერნო რიკარმა დაადასტურა, რომ რუსეთის ოფისის ყოფილი ხელმძღვანელი სხვა რეგიონში ახალ თანამდებობაზე გადავიდა. არაკელიანმა განმარტა, რომ P.R. Rus აგრძელებს აუცილებელ პროცედურებს ოპერაციების შესაჩერებლად, კომპანიას სხვა გეგმები არ აქვს.

ბაზრის წყაროს ცნობით, თითქმის მთელმა გუნდმა უკვე დატოვა P.R. Rus, დარჩენილი თანამშრომლებმა კი შესაძლოა, სამსახური აგვისტოს ბოლომდე დატოვონ.

ბაზრის მონაწილეების თქმით, 2020-2021 წლებში კომპანიამ დაახლოებით 14 მილიონი ლიტრი სპირტიანი სასმელი შემოიტანა რუსეთის ფედერაციაში, არარატის გამოკლებით.

2022 წელს, უკრაინაში რუსეთის შემოჭრისა და რუსეთის ფედერაციის წინააღმდეგ სანქციების შემდეგ, კომპანიამ იმპორტი 6,95 მილიონ ლიტრამდე შეამცირა.

2023 წლის მაისში კონცერნმა გამოაცხადა რუსეთის ფედერაციაში ყველა საერთაშორისო ბრენდის მიწოდების შეწყვეტის შესახებ. იანვარ-აპრილში, გამოცემის მონაცემებით, კომპანიამ 4,6 მლნ ლიტრი ალკოჰოლი შემოიტანა.

ამავდროულად, მსხვილი ალკოჰოლური კომპანიის წყარომ გაზეთს განუცხადა, რომ არარატის კონიაკის 70-90% რუსეთში მოიხმარება და ასეთი მოხმარების მაჩვენებლით სხვა ბაზარი არ არსებობს.

გამოცემის თანამოსაუბრე აღნიშნავს, რომ Pernod Ricard-ს შეუძლია Luding Group-ის ბრენდის მთელი დისტრიბუცია ქარხნის გაყიდვამდე მისცეს, მაგრამ ჯერჯერობით შეთანხმება არ არის მიღწეული.

Ararat-ის წარმოების შესაძლო გაყიდვის შესახებ ბაზარზე სხვა წყარომ განაცხადა.

პერნო რიკარდი არარატის გაყიდვაზე ინფორმაციას უარყოფს.