„დანერგე მომავლის“ ბაღების კომპონენტში რეგისტრაცია გრძელდება

„დანერგე მომავლის“ ბაღების კომპონენტში რეგისტრაცია მიმდინარეობს. განაცხადები მიიღება 2024 წლის 28 თებერვლის ჩათვლით.

ბაღების კომპონენტის ფარგლებში დაფინანსდება ნერგების ღირებულების 70%, ხოლო წვეთოვანი სარწყავი სისტემის 50%.

სასოფლო-სამეურნეო სტატუსის მქონე კოოპერატივებისთვის, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში დამატებით +10% თანადაფინანსებაა გათვალისწინებული.

პროგრამა მიზნად ისახავს:

იმპორტული პროდუქციის ქართული ნაწარმით ჩანაცვლებას

საექსპორტო პოტენციალის ზრდას

მეხილეობის სექტორის რაოდენობრივ და თვისობრივ გაუმჯობესებას

სოფლად მცხოვრებთა სოციალურ-ეკონომიკური დონის გაუმჯობესებას

განაცხადის წარმოდგენა შესაძლებელია ელექტრონულად, ბმულზე: https://my.rda.gov.ge/signin

პროგრამის შესახებ დეტალურ ინფორმაციას შეგიძლიათ გაეცნოთ აქ: https://bit.ly/3uhXMUX