მნიშვნელოვანია ის წინსვლა, რომელიც მაგისტრალური გზების მშენებლობის მიმართულებით გვქონდა. რეალურად, 2024 წელს 88 კილომეტრი მაგისტრალური გზა გაიხსნა, - განაცხადა საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ პრემიერ-მინისტრ ირაკლი კობახიძის ერთწლიანი მუშაობის შეჯამებისას.
„ძალიან მნიშვნელოვანი იყო ის პროგრესი, რომელიც ჩვენ სამხრეთი - ჩრდილოეთის მიმართულებით ქვეშეთი-კობის პროექტთან დაკავშირებით გვქონდა, სადაც, როგორც მოგეხსენებათ გაიჭრა 9 კილომეტრიანი, როგორც ძირითადი 15 მეტრი დიამეტრის გვირაბი, ასევე საევაკუაციო გვირაბი“, - აღნიშნა ირაკლი ქარსელაძემ.
ირაკლი ქარსელაძემ ახალი სტადიონის მშენებლობის პროექტზეც ისაუბრა და აღნიშნა, რომ ეს სტადიონი იქნება უმაღლესი დონის, რომელიც შეძლებს, უმასპინძლოს უეფას ჩემპიონთა ლიგის ფინალსაც კი.
„ახალი, 70 ათას მაყურებელზე გათვლილი სტადიონი, მრავალფუნქციური, რომელიც, როგორც ფეხბურთის უმაღლესი დონის და აქ საუბარია უეფას ჩემპიონთა ლიგის ფინალის მასპინძლობაზე, ამ მოთხოვნების დაკმაყოფილება მოხდება. რა თქმა უნდა, ვსაუბრობთ უმაღლესი დონის სარაგბო ღონისძიებების მასპინძლობაზე“, - განაცხადა ირაკლი ქარსელაძემ.
უახლესი
6 საათის წინ
1 დოლარის ოფიციალური ღირებულება 2.7755 ლარია
