„გლობალ ბენეფიტს ჯორჯია“ რიცხვებში - როგორ იმყარებს სადაზღვევო ბაზარზე კომპანია პოზიციებს

სადაზღვევო კომპანია „გლობალ ბენეფიტს ჯორჯიამ“ 2024 წლის 9 თვეში 51 მლნ ლარის სადაზღვევო პრემია მოიზიდა და ამ მაჩვენებლებით TOP 10-ში მეშვიდე პოზიციაზეა.

ბოლო წლების სტატისტიკით „გლობალ ბენეფიტს ჯორჯია“ ყოველწლიურად მაჩვენებლებს აუმჯობესებს და ბაზარზე საკუთარ პოზიციებს უფრო მყარს ხდის. რეალურად, ერთი წლის განმავლობაში კომპანიამ მოზიდული პრემიების მიხედვით სადაზღვევო კომპანიების რეიტინგში პოზიციები გაიუმჯობესა, 2023 წლის 9 თვის მაჩვენებლებით ის მერვე ადგილზე იყო. 2022 წელს (9 თვის მაჩვენებლებით) კი მეცხრე ადგილზე. 

2023 წლის 9 თვეში სადაზღვევო კომპანიამ 36 მლნ ლარის პრემია მოიზიდა. შესაბამისად, 2024 წელს 2023 წლის მაჩვენებლებთან შედარებით ზრდა 42%-ია.

დაზღვევის სახელმწიფო ზედამხედველობის სამსახურის მონაცემებით, 2024 წლის სამივე კვარტალში  „გლობალ ბენეფიტს ჯორჯიას“ მიერ ანაზღაურებულმა სადაზღვევო ზარალმა 26 მლნ ლარი შეადგინა. 2023 წლის იანვარ-სექტემბერში კი ეს მაჩვენებელი 17 მლნ ლარი იყო. შესაბამისად წლიურ ჭრილში ზრდა 53%-ია. 

2024 წლის 9 თვის განმავლობაში  „გლობალ ბენეფიტს ჯორჯიას“ მიერ გამომუშავებულმა პრემიამ 36 მლნ ლარი შეადგინა, ხოლო საანგარიშო პერიოდში კომპანიის წინაშე დამდგარმა სადაზღვევო ზარალის მოცულობამ 26 მლნ ლარი.

დაზღვევის სახელმწიფო ზედამხედველობის სამსახურის საიტზე გამოქვეყნებული სტატისტიკური მაჩვენებლების მიხედვით, სადაზღვევო კომპანია „გლობალ ბენეფიტს ჯორჯიას“ მიერ იანვარ-სექტემბერში ნეტო გამომუშავებული პრემია 30 მლნ ლარი იყო, ხოლო ნეტო დამდგარი სადაზღვევო ზარალი 25 მლნ ლარი.

2024 წლის 9 თვის განმავლობაში სამედიცინო (ჯანმრთელობის) დაზღვევის სახეობაში „გლობალ ბენეფიტს ჯორჯიამ“ 31 მლნ ლარ მოიზიდა და ბაზრის 7%-იან წილსაც დაეუფლა.

აღსანიშნავია, რომ საანგარიშო პერიოდში სადაზღვევო სექტორმა ჯანმრთელობის დაზღვევის მიმართულებით სულ  428 მლნ ლარი მოიზიდა.

2024 წლის 30 სექტემბრის მდგომარეობით საქართველოს სადაზღვევო ბაზარზე რეგისტრირებულია 19 სადაზღვევო კომპანია, რომლებიც ფლობენ სიცოცხლის და არასიცოცხლის დაზღვევის ლიცენზიას. იანვარ-სექტემბერში სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 983 მილიონი ლარი შეადგინა, ხოლო ამავე პერიოდის შედეგებით მზღვეველების სადაზღვევო მოგებამ 243 მილიონი ლარი, წმინდა მოგებამ კი 115 მილიონი ლარი შეადგინა.

საგულისხმოა, რომ რისკების მართვისა და სადაზღვევო კომპანია „გლობალ ბენეფიტს ჯორჯია“ ახორციელებს სიცოცხლის, ჯანმრთელობის, ქონებრივი და მასთან დაკავშირებული რისკების დაზღვევას. პროდუქტებისა და მომსახურეობის შექმნისას კომპანია ინდივიდუალური მიდგომის პრინციპით ხელმძღვანელობს, რადგან ორგანიზაციისა და პიროვნების რისკები უნიკალურია და სწორედ ამიტომ, მხოლოდ ყველა რისკის საფუძვლიანი ანალიზის შედეგად შეიძლება, საჭიროებებზე იდეალურად მისადაგებული სადაზღვევო გეგმის შექმნა.