2024 წელს სასტუმრო Radisson RED Tbilisi-ს დატვირთულობა 140%-ით გაიზარდა. ამის შესახებ Business Insider Georgia-სთან სასტუმრო Radisson RED Tbilisi-ს მარკეტინგის ხელმძღვანელმა ბესო გოგინავამ განაცხადა.
ბესო გოგინავას განმარტებით, 2024 წელს Radisson RED Tbilisi-ს სტუმრების დიდი ნაწილი ჰყავდა რუსეთიდან, არაბთა გაერთიანებული საამიროებიდან, ხოლო მეტი სტუმრის მოსაზიდად და სასტუმროს პოპულარიზაციისთვის Radisson RED Tbilisi 2025 წელს რამდენიმე საერთაშორისო ღონისძიებაში მიიღებს მონაწილეობას.
„2023 წელთან შედარებით სასტუმროს დატვირთულობა 140%-ით გაიზარდა. 2024 წლის TOP 3 ქვეყანა სტუმრების რაოდენობის მიხედვით იყო: რუსეთი, არაბთა გაერთიანებული საამიროები და საქართველო.
2025 წლის მარკეტინგულ აქტივობებს რაც შეეხება, სასტუმრო წარმოდგენილი იქნება მსოფლიოს წამყვან ტურისტულ გამოფენებზე ინდოეთში, ჩინეთში, არაბთა გაერთიანებულ საამიროებში.
2025 წელს მეორედ ჩატარდება ძალიან წარმატებული ღონისძიება Summer Vibes Fest 2, რომელზეც 2000-მდე ადამიანს ველოდებით.
განსაკუთრებული აქცენტი გაკეთდება ციფრულ მარკეტინგზე, საერთაშორისო ინფლუენსერებისა და მედიის ჩამოყვანაზე, რაც ხელს შეუწყობს არა მხოლოდ სასტუმროს, არამედ თბილისის პოპულარიზაციას უცხოელ მოგზაურებში“,- განაცხადა Radisson RED Tbilisi-ს მარკეტინგის ხელმძღვანელმა.
უახლესი
42 წუთის წინ
დიდ ბრიტანეთში ინფლაცია 2.6%-მდე გაიზარდა2 საათის წინ
თურქეთში ინფლაცია ზედიზედ მეშვიდე თვეა მცირდება3 საათის წინ
ბუდუ ზივზივაძე კარიერას ბუნდესლიგაში გააგრძელებს
